Guillerme Alexandre dos Países Baixos

Na Galipedia, a Wikipedia en galego.
Saltar ata a navegación Saltar á procura
Guillerme Alexandre de Orange-Nassau
Rei dos Países Baixos, Príncipe de Orange-Nassau, Señor de Amsberg
Willem-Alexander, Prince of Orange.jpg
A súa Alteza Real o Príncipe de Orange.

Nome completo Willem Alexander Claus George Ferdinand van Oranje-Nassau en Amsberg
Nacemento 27 de abril de 1967
Utrecht, Países Baixos Flag of the Netherlands.svg
Predecesor Beatriz I
Consorte Máxima dos Países Baixos
Descendencia
  • Casa real Orange-Nassau
    Proxenitores Claus von Amsberg
    Beatriz I dos Países Baixos

    O rei Guillerme Alexandre Nicolás Xurxo Fernando de Orange-Nassau e Amsberg (Willem Alexander Claus George Ferdinand van Oranje-Nassau en Amsberg), nado en Utrecht o 27 de abril de 1967, é o fillo maior da antiga raíña Beatriz I dos Países Baixos e dende abril de 2013 o rei da monarquía holandesa, co tratamento de "A súa Maxestade o Rei dos Países Baixos".

    O 28 de xaneiro de 2013 a raíña Beatriz anunciou a súa decisión de abdicar o 30 de abril, no trixésimo terceiro aniversario da súa investidura real, a favor do príncipe Guillerme Alexandre.[1]

    Traxectoria[editar | editar a fonte]

    Infancia e educación[editar | editar a fonte]

    Guillerme Alexandre Nicolás Xurxo Fernando, actual rei dos Países Baixos, é o fillo maior da raíña Beatriz dos Países Baixos e do seu defunto marido Nicolao. Guillerme Alexandre naceu na cidade de Utrecht e cuxos padriños foron o seu avó materno o príncipe Bernardo de Lippe-Biesterfeld, o príncipe Fernando de Bismarck, o profesor Dr. Jelle Zijlstra, a súa avoa paterna a baronesa Augusta Xulia de Amsberg, a raíña Margarida II de Dinamarca (naquel momento princesa herdeira) e Renee Smith. Ao reinar a súa nai, recibiu o título honorífico de príncipe de Orange, que reciben os herdeiros ao trono dos Países Baixos.

    Foi educado nunha escola protestante en A Haia, onde se relacionou con nenos da súa idade de todos os contextos sociais. Tamén asistiu ao centro educativo United World College of the Atlantic en Gales antes de asistir á universidade. Foi educado en asuntos de Estado para preparalo para ocupar o trono holandés. Obtivo unha licenciatura en historia da Universidade de Leiden e posteriormente un máster en historia en 1993;[2] está interesado en proxectos de administración internacional da agua.

    Neste sentido, desde 2006 preside a xunta asesora de Augas e Servizos da Secretaría Xeral da ONU.

    Carreira e deberes reais[editar | editar a fonte]

    O rei Guillerme Alexandre é un membro honorario da Comisión Mundial da Auga para o século XXI e patrón da Global Water Partnership, un organismo creado polo Banco Mundial para a vixilancia e uso racionado dos recursos hídricos.

    O Rei é membro do Raad van State, o Consello de Estado dos Países Baixos e o máis alto organismo executivo do goberno holandés. Como parte dos seus deberes reais, dispón dunha posición de brigadier no exército holandés, de comandante na Armada e como comodoro na Forza Aérea. Foi o líder do Comité Olímpico Holandés ata 1998, cando foi nomeado membro do Comité Olímpico Internacional (COI).

    En representación da Coroa, o rei Guillerme Alexadnre tamén desempeña outras funcións diplomáticas e representativas.

    Outras actividades[editar | editar a fonte]

    O rei Guillerme Alexandre é un hábil piloto e deportista. En 1989 o entón príncipe voou como voluntario para o "African Medical Research and Education Foundation" (AMREF) en Kenia e en 1991 traballou como piloto durante un mes para o Kenya Wildlife Service.

    Utilizando o nome de "Willem van Buren'", un dos apelidos menos coñecidos da Casa de Orange-Nassau, participou na maratón da cidade de Nova York,[3] onde viven a súa tía, a princesa Cristina dos Países Baixos e varios dos seus curmáns. Nos Países Baixos tomou parte na maratón de patinaxe sobre xeo das Once Cidades de Frisia.

    Reinado[editar | editar a fonte]

    O 30 de abril de 2013, no 33° aniversario da ascensión de Beatriz, a ata entón raíña abdicou e ás 7:00 da mañá Guillerme Alexandre e Máxima convertéronse en reis dos Países Baixos. Aínda que por orde sucesoria debería chamarse Guillerme IV, o príncipe cumpriu a súa intención de manter o seu nome Guillerme Alexandre. Foi o primeiro rei home desde facía 123 anos nos Países Baixos. O seu primeiro ano foi marcado polo que o xornal De Volkskrant chamou unha silenciosa revolución en Palacio para modernizar a Casa Real.[4]

    O primeiro ano de reinado de Guillerme Alexandre e Máxima foi un éxito para a maioría dos neerlandeses, quen no medio da severa crise que golpea a Europa e a economía local manteñen un sólido apoio á institución monárquica.

    Por primeira vez en case 130 anos. as damas de compañía da raíña deixaron o palacio real. Cinco delas partiron. Máxima retivo, con todo, a Lieke Gaarlandt, que a acompaña desde o momento en que foi presentada aos neerlandeses antes da súa voda. Abertos ao mundo, os actuais monarcas de Orange-Nassau parecen decididos a prestar unha especial atención á mocidade.

    Paralelamente, algúns aspectos da relación entre Arxentina e os Países Baixos víronse favorecidos durante este primeiro ano, por exemplo cun aumento do turismo recíproco; o embaixador neerlandés en Arxentina, Hein de Vries, explicou que o rol dos dous reis sitúase por fóra do soamente político, xa que ambos reis defenden o sentido de pertenza holandés e une ao país ao máis alto nivel, o que é fundamental nun país tan diverso.

    O descontento xeral sobre o goberno de liberais e socialdemócratas (do primeiro ministro Mark Rutte) non se traspasou á Casa Real, posiblemente que é debido a que para os neerlandeses os reis son un símbolo de unificación e de identidade, que garante o seu sentido de pertenza.

    Nos Países Baixos, o Estado financia, ademais do salario, todos os costos da Casa Real, o que inclúe palacios, viaxes en avión, persoal, costos que ascenden 4 millóns 500 mil euros ao ano.

    Matrimonio[editar | editar a fonte]

    O 2 de febreiro de 2002, casou con Máxima Zorreguieta Cerruti (nada o 17 de maio de 1971), unha muller arxentina de antepasados españois e italianos, que antes do seu matrimonio traballara como axente de investimentos en Nova York. A elección da súa esposa, como foi habitual nas últimas décadas na familia real holandesa, causou certa controversia.

    Como todos os monarcas neerlandeses, o rei Guillerme Alexandre é un membro nominal da Igrexa reformada neerlandesa, pero ao contrario do que ocorrera cando a súa tía, a princesa Irene dos Países Baixos, casouse co príncipe Carlos Hugo de Borbón-Parma, de relixión católica, a cuestión relixiosa non tivo excesiva importancia, salvo debates pasaxeiros e as críticas dos sectores protestantes máis radicais.

    En cambio, causou maior controversia que o pai de Máxima, Jorge Horacio Zorreguieta Stefanini, fora un membro civil do réxime do ditador arxentino Jorge Rafael Videla. En razón da polémica causada, Jorge Zorreguieta decidiu non acudir á voda real cando representantes do Primeiro Ministro neerlandés, Wim Kok, pedíronlle que non asistise.

    O rei é un descendente directo da princesa Ana de Orange, a filla maior do rei Xurxo II de Gran Bretaña. Con todo, debido ao Acta de 1701 o rei Guillerme Alexandre renunciou aos seus afastados dereitos de sucesión ao trono británico debido ao seu matrimonio cunha católica.[5]

    Ata a decembro de 2015, o rei Guillerme Alexandre e a súa dona a raíña Máxima tiveron tres fillas:

    O rei Guillerme Alexandre e a súa familia residen nunha casa en De Horsten en Wassenaar.

    Notas[editar | editar a fonte]

    1. La Voz de Galicia, ed. (29 de xaneiro de 2013). "Beatriz de Holanda abdica no seu fillo Guillerme Alexandre". 
    2. "Príncipe Guillerme, un experto en Historia para el trono de Holanda". 28/01/2013 19:27 horas. Consultado o 28 de xaneiro de 2013. 
    3. Han. "FAQ: eleven facts about the Eleven Cities Race | Radio Netherlands Worldwide". Radio Netherlands Worldwide. Arquivado dende o orixinal o 13 de maio de 2013. Consultado o 4 de outubro 2012. 
    4. "Un año de cambio". Arquivado dende o orixinal o 27 de abril de 2014. Consultado o 24 de decembro de 2015. 
    5. http://nos.nl/artikel/2027224-willem-alexander-maakt-nu-kans-op-de-britse-troon.html

    Véxase tamén[editar | editar a fonte]

    Outras páxinas[editar | editar a fonte]

    Ligazóns externas[editar | editar a fonte]

    Predecesor:
    Beatriz dos Países Baixos
    Royal coat of arms of the Netherlands.svg
    Rei dos Países Baixos

    Desde o 30 de abril de 2013
    Sucesor:
    No cargo