Gregorio III Laham
| غريغوريوس الثالث لحام (Gregorio III Laham) | |
|---|---|
 | |
| Patriarca da Igrexa Católica Greco-Melquita | |
| Biografía | |
| Nacemento | 15 de decembro de 1933 en Daraya, Siria |
| Ordes | |
| Ordenación sacerdotal | 15 de febreiro de 1959 |
| Consagración episcopal | 27 de novembro de 1981, por Máximo V Hakim |
| Elixido patriarca | 29 de novembro de 2000 |
| Patriarca de Antioquía | |
| 29 de novembro de 2000 - 6 de maio de 2017 | |
| Predecesor | Máximo V Hakim |
| Sucesor | Xosé I Absi |
| Outros | |
| Ficha en catholic-hierarchy.org | |
Gregorio III Laham (en árabe: غريغوريوس الثالث لحام), nado en Daraya (Siria) o 15 de decembro de 1933, foi o Patriarca de Antioquía e todo Oriente, de Alexandría e de Xerusalén da Igrexa Católica Greco-Melquita e bispo da Damasco dende o 29 de novembro de 2000 até a súa renuncia o 6 de maio de 2017.
Traxectoria[editar | editar a fonte]
Laham naceu en Daraya, preto de Damasco, Siria, o 15 de decembro de 1933. O 15 de febreiro de 1959 foi ordenado sacerdote da Orde Basiliana do Santísimo Salvador.
En 1975 foi nomeado vigairo patriarcal de Xerusalén. O 9 de setembro de 1981 foi nomeado arcebispo titular de Tarso dos greco-melquitas. Recibiu a consagración episcopal o 27 de novembro, de mans do patriarca Máximo V Hakim.
En 1992, coa elevación da sé de Xerusalén, foi nomeado exarca patriarcal da mesma, e cando novamente foi elevada en 1998 converteuse en protosyncellus de Xerusalén.
O 29 de novembro de 2000 foi elixido patriarca de Antioquía e bispo de Damasco. O papa Xoán Paulo II concedeulle o 5 de decembro a comuñón eclesial. Retirouse o 6 de maio de 2017.
