Gregorio Dopico Fernández
| Biografía | |
|---|---|
| Nacemento | 1919  O Roxal, España |
| Morte | 30 de xullo de 1947 (27/28 anos) Sillobre, España |
| Datos persoais | |
| Outros nomes | Yoyo Bolicheiro |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Gregorio Dopico Fernández,[1] Yoyo ou Bolicheiro, nado no Roxal (Neda) en 1919 e finado en Sillobre (Fene) o 30 de xullo de 1947, foi un guerrilleiro antifranquista galego.
Traxectoria[editar | editar a fonte]
Traballaba nunha fábrica de gasosas. Militante da CNT. Foi detido polos axentes da Brigada Social na Coruña o 16 de setembro de 1942. Enlace da guerrilla, despois da caída da organización libertaria da zona de Ferrol en febreiro de 1945, uniuse ao grupo de Francisco Gómez Núñez. Despois foi membro do grupo Neira. Logo da morte de José Neira Fernández integrouse na IV Agrupación do Exército Guerrilleiro de Galicia onde foi comandante do destacamento Segundo Vilaboy, que tiña como comisario a Adolfo Allegue Allegue e responsable en Lugo a Gregorio Doñate Martínez. Foi morto pola Garda civil o 30 de xullo de 1947, no monte Reboredo en Sillobre, que bordea a estrada a Lavandeira, con Nicolás Rodríguez Pereira.[2]
Notas[editar | editar a fonte]
- ↑ Nalgunhas fontes figura como Gregorio Fernández Dopico.
- ↑ La Voz de Galicia, 1-8-1947, p. 3.
Véxase tamén[editar | editar a fonte]
Bibliografía[editar | editar a fonte]
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 57. ISBN 84-8485-231-8.
Ligazóns externas[editar | editar a fonte]
- Ficha en los de la sierra Arquivado 25 de marzo de 2017 en Wayback Machine.