Francisco Gómez Núñez
| Biografía | |
|---|---|
| Nacemento | 13 de marzo de 1912  Celeiro, España |
| Morte | 1995 (82/83 anos) Viveiro, España |
| Datos persoais | |
| Outros nomes | Trotsky Penabad |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Francisco Gómez Núñez, Trotsky ou Penabad, nado en Celeiro (Viveiro) o 13 de marzo de 1912 e finado no mesmo concello en 1995, foi un guerrilleiro antifranquista galego.
Traxectoria[editar | editar a fonte]
Mariñeiro. Na II República foi membro do Sindicato Único de Oficios Varios de Viveiro, afecto á CNT. Cando aconteceu o golpe de Estado do 18 de xullo de 1936 participou nos intentos de resistencia ao golpe, marchou a Coruña, e despois botouse ao monte con José Neira Fernández. Foi xulgado en Ferrol por rebelión militar e declarado en rebeldía. Afiliouse ao PCE en 1942. Logo da morte de Neira pertenceu á III Agrupación, onde estivo destinado á partida que operou na Terra de Melide e a Ulloa comandada por Ramón Rodríguez Varela "Curuxás", e despois á IV Agrupación no grupo de Leonardo Gómez Pérez. O 13 de decembro de 1946 logrou marchar rumbo a Francia xunto a outros 21 guerrilleiros na evasión do Santa Teresa. Instalouse en Grenoble. Finou en Viveiro en 1995.
Véxase tamén[editar | editar a fonte]
Bibliografía[editar | editar a fonte]
- Parrado, Carlos (2009). Curuxás, o guerrilleiro que non cazou Franco. Vigo: A Nosa Terra. pp. 199–201. ISBN 84-87783-79-1.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. p. 77. ISBN 84-8485-231-8.
Ligazóns externas[editar | editar a fonte]
- Francisco Gómez Núñez na páxina web Nomes e Voces.
- Ficha en Represión franquista en Lugo
- Ficha en los de la sierra Arquivado 26 de marzo de 2017 en Wayback Machine. (en francés)