Granda, Xixón

Para outras páxinas con títulos homónimos véxase: Granda.

Granda a vista de paxaro.

Granda é unha parroquia do concello asturiano de Xixón, en España.

Demografía

En 2008 tiña unha poboación de 626 habitantes e en 2018 chegaba aos 643.

Localización

Os seus límites son:

• Norte: Barrio de Ceares traspasando a autoestrada do Cantábrico.
• Leste: Parroquia de Castiello de Bernueces
• Oeste: Barrio de Nuevo Roces mediante a AS-I
• Sur: Parroquias de Leorio, Huerces e Vega

Xeografía

Pola parroquia discorre o río Piles, xerando un espazo de natureza fluvial transitable pola Senda Fluvial do río Piles, que mide 19 km e se conecta coa Vía verde da Camocha.

Transportes

Granda é vertebrada pola AS-377, que une Pola de Siero con Xixón. Por Granda discorre a Liña 16 de EMTUSA que conecta a estación de Xixón con Veiga e o autobús nocturno B-4, que enlaza Vega con Viesques, La Arena e El Humedal.

Historia

Granda pertencera aos feudos do Señorío de Noreña dende uns privilexios outorgados polo rei Xoán I en 1383. A principios do século a parroquia aparece como exclusivo lugar de residencia para as clases altas antillanas, como é exemplo a leira Solavieya, de 1918. En 1924 chégase a conceder unha ostentosa festa ao Príncipe de Asturias Juan de Borbón.

Sitios de interese

Fachada principal de Solavieya

Fachada principal da igrexa parroquial

Solavieya

Casa de indianos deseñada por Manuel do Busto con gran xardín.

Igrexa de Santo Tomás

Igrexa parroquial referenciada por primeira vez no ano 933 como igrexa de Santo Tomás de Vaones, sendo unha das igrexas máis antigas de Xixón. A mediados do século  a igrexa derrúbase e constrúese unha nova na localización actual. Con todo, esta igrexa tamén se destrúe polo seu mal estado en favor dunha nova igrexa inaugurada en 1908 baixo o amparo de José Antonio García Sol, promotor tamén de Solavieya. Durante a Guerra Civil este templo sofre o mesmo destino que as súas predecesoras, construíndose a nova igrexa en 1947.

Matadoiro de Xixón

Granda alberga a planta do Matadoiro de Xixón.

Lugares

• Vaones
• Granda de Baxo
• Granda de Riba
• La Barniella
• La Belga
• La Carbayera
• La Folguera
• El Foru
• La Perdiz

Véxase tamén

Bibliografía

• "INEbase / Nomenclátor. Relación de unidades poblacionales". Arquivado dende o orixinal o 4 de marzo de 2016. Consultado o 26 de novembro de 2022. 

• "Nomenclátor de entidades de población de Asturias 2008". Consultado o 26 de novembro de 2022. 

• RECTIFICACIÓN de erros habidos no Decreto 105/2006, de 20 de setembro, polo que se determinan os topónimos oficiais do concello de Xixón