Gran Turismo

Na Galipedia, a Wikipedia en galego.
Saltar ata a navegación Saltar á busca
Un clásico Gran Turismo, de 1962 Ferrari 250 GTO
1953 Bentley Continental gran turismo

Un Gran turismo (GT) é un automóbil de luxo de alto rendemento, deseñado para conducir grandes distancias. O formato máis común é un cupé de dúas portas ben con dous asentos ou cunha disposición 2 + 2.

O nome deriva do termo Italiano gran turismo, unha homenaxe á tradición do grand tour, que se utiliza para representar os automóbiles considerados como grandes turismos, capaces de facer longas viaxes a alta velocidade con comodidade e estilo.

Características[editar | editar a fonte]

Os Gran turismo se diferencian dos deportivos de dous asentos en que xeralmente son máis grandes e máis pesados, facendo fincapé no máis puro confort máis que no rendemento. Historicamente, a maioría dos GTs teñen motor dianteiro con tracción traseira, o que deixa máis espazo para a cabina que os deseñados con motor central ou traseiro. Suspensións máis suaves, maleteiro máis grande e características máis luxosas súmanse á súa atractiva pilotaxe. Algúns grandes turismos de moi alto rendemento, como o Ferrari 599 GTB Fiorano e o Mercedes-Benz SLR McLaren van na dirección oposta, e rivalizan cos coches deportivos en velocidade, aceleración, e capacidade de tomar curvas, gañándolles a moitos supercars.

Abreviatura GT[editar | editar a fonte]

Alfa Romeo 6C 1750 Gran Turismo Compressore (1932)
Lancia Aurelia B20 GT, un GT da década de 1950

A abreviatura GT, tan popular en todo o sector da automoción, ven da tradición italiana de referirse aos seus coches de alta gama como gran turismo. Fabricantes como Alfa Romeo,[1] Ferrari e Lancia abriron o camiño a partir do final da década de 1920.

Entre as moitas variacións de GT están:

Competicións de Gran Turismo[editar | editar a fonte]

Catro coches GT de carreiras

Hoxe en día o termo gran turismo é sinónimo de automóbiles deportivos en versión de carreiras (incluso as que non se axustan á definición dada máis arriba) que participan en automobilismo deportivo, incluíndo as carreiras de resistencia que son a maior parte delas, mentres que as restantes son carreiras curtas, como é o caso do Campionato FIA GT, a maioría dos principais compeonatos nacionais de gran turismo, e a monomarca Supercopa Porsche. Tamén é habitual que os gran turismo compitan simultaneamente con sport prototipos.

En certas clasificacións dos deportes de motor profesionais, como as categorías de Gran Tutismo promovidas pola FIA, o coche GT defínese como "un automóbil aberto ou pechado que non ten máis dunha porta a cada lado e un mínimo de dous asentos situados un en cada lado da liña central lonxitudinal do vehículo; estes dous asentos deben ser atravesado polo mesmo plano transversal Este coche debe ser capaz de poder ser utilizado legalmente en estrada aberta, e adaptado para carreiras en circuítos ou estradas pechadas.

As 24 Horas de Le Mans é a carreira de gran turismo máis importante do mundo. Outras carreiras de relevancia son as 24 Horas de Daytona, as 12 Horas de Sebring e a Petit Le Mans. Todas elas salvo as 24 Horas de Daytona forman parte da Copa Intercontinental Le Mans, onde ademais de gran turismos participan sport prototipos.

Desde 2010, o Campionato Mundial de GT1 é un dos catro campionatos mundiais recoñecidos pola Federación Internacional do Automóbil. O certame é organizado pola Stéphane Ratel Organisation, que administra tamén campionatos europeos e nacionais de gran turismo, como o Campionato Europeo de GT3. O principal rival a nivel europeo dos campionatos da SRO é o Open Internacional de GT. En América do Norte, conviviron varias categorías de gran turismo rivais ao longo da historia. Actualmente córrese a American Le Mans Series e a Rolex Sports Car Series.

Os coches de GT divídense, desde os máis potentes a menos potentes, en GT1 (anteriormente GTS e GT) e GT2 (anteriormente GT e GT N-) na maioría dos campionatos. Os coches GT3 e GT4 tamén teñen os seus propios campionatos. Exemplos de grandes turismos de carreiras son:

Notas[editar | editar a fonte]

  1. "Alfa Romeo 6C-1750 Sport/GT (17/85 HP)". motorbase.com. Consultado o 2011-01-07. 
  2. "Maserati 3500 Gti". maserati.com. Consultado o 2011-01-07. 

Véxase tamén[editar | editar a fonte]