Gogol Bordello
| Gogol Bordello | |
|---|---|
 Gogol Bordello en Rock in Rio Madrid 2012. | |
| Orixe | Nova York, Estados Unidos |
| Período | 1999 - actualidade |
| Xénero(s) | gipsy punk |
| Selo(s) discográfico(s) | SideOneDummy Records, Rubric Records, Columbia |
| Membros | Eugene Hütz Sergey Ryabtzev Yuri Lemeshev Thomas Gobena Oren Kaplan Oliver Charles Elizabeth Sun Pedro Erazo |
| Antigos membros | Pamela Racine Eliot Ferguson Karl Alvarez Rea Mochiach Sasha Kazatchkoff Vlad Solovar Ori Kaplan Susan Donaldson Chris Tattersall |
| Na rede | |
| www.gogolbordello.com | |
              | |
Gogol Bordello é un grupo de gypsy punk do Lower East Side de Nova York, formado en 1999. Un dos seus trazos máis característicos son os seus frenéticos directos, e outro o seu son inspirado na música xitana. A maior parte dos seus membros son inmigrantes de Europa do leste, e o grupo utiliza sons de acordeón e violín e, nalgúns dos seus discos, saxofón e música de cabaré, punk e dub.
Nunha entrevista para a National Public Radio, o líder Eugene Hütz citou a Jimi Hendrix e Parliament-Funkadelic como influencias musicais do grupo, e a Nikolái Gogol (homenaxeado no nome da banda) como unha influencia ideolóxica. Entre as súas influencias están tamén Manu Chao, Fugazi, Kalpakov, Rootsman ou The Clash.
Lanzaron o seu primeiro sinxelo en 1999, e desde entón publicaron dous álbums, un EP e un álbum en colaboración con Balkan Beat Box. En 2005, o grupo asinou coa discográfica de punk rock SideOneDummy Records.
A gravación de "Start Wearing Purple" do disco Voi-La Intruder deunos a coñecer no Reino Unido, e foi regravada para o seu disco Gypsy Punks, converténdose no seu primeiro sinxelo internacional. “Not a Crime” foi seleccionado como segundo sinxelo.
A melodía de "Start Wearing Purple" aparece en varias escenas ó longo da película de 2005 Everything Is Illuminated, e nos títulos de crédito óese a canción con letra; é tamén a última canción da banda sonora. Ademais, Eugene Hütz tivo un papel protagonista no filme.
Varios membros da banda, xunto con membros de Balkan Beat Box, teñen un proxecto paralelo que mestura dub e electrónica chamado J.U.F. (Jewish-Ukrainian Freundschaft).
No 2007 actuaron nunha presentación en vivo no Live Earth de Londres xunto con Madonna, coa que tocan mentres cantan "La Isla Bonita", o 7 de xullo de 2007.
Membros
[editar | editar a fonte]Membros actuais
[editar | editar a fonte]- Eugene Hütz (voz, guitarra acústica, percusión, caldeiro) - Ucraína
- Sergey Ryabtsev (violín, voces secundarias) - Rusia
- Yuri Lemeshev (acordeón, voces secundarias) - Rusia
- Oren Kaplan (guitarra, voces secundarias) - Israel
- Thomas Gobena (baixo) - Etiopía
- Elizabeth Sun (percusión, voces secundarias, baile) - Chinesa-escocesa
- Pedro Erazo (percusión) - Ecuador
- Oliver Charles (batería) - Estados Unidos
Antigos membros
[editar | editar a fonte]- Pamela Racine (percusión, coros, baile) - Estados Unidos
- Eliot Ferguson (batería, coros)
- Karl Álvarez (baixo)
- Rea Mochiach (baixo, percusión, electrónica (nos discos), voces secundarias) - Israel
- Sasha Kazatchkoff (acordeón)
- Vlad Solovar (guitarra) - Romanía
- Ori Kaplan (saxofón, voces secundarias) - Israel
- Susan Donaldson (percusión, voces secundarias, baile)
Discografía
[editar | editar a fonte]- Voi-La Intruder – 1999. Rubric Records.
- Multi Kontra Culti vs. Irony - 2002. Rubric Records.
- Gypsy Punks: Underdog World Strike - 2005. SideOneDummy Records.
- Super Taranta! - 2007. SideOneDummy Records.
- Trans-Continental Hustle - 2010. American Recordings.
- Pura Vida Conspiracy - 2013. ATO Records.
EPs
[editar | editar a fonte]- East Infection - outubro 2004. Rubric Records.
Outros discos
[editar | editar a fonte]- Gogol Bordello vs. Tamir Muskat - Colaboración con membros de Balkan Beat Box baixo o nome Jewish-Ukrainishe Freundenschaft (J.U.F), o proxecto paralelo de Eugene Hütz. agosto 2004. Stinky Records.
