Glasvegas

Na Galipedia, a Wikipedia en galego.
Saltar ata a navegación Saltar á procura
Glasvegas
Glasvegas Dundee Doghouse.jpg
OrixeGlasgow, Escocia Escocia
Período2003 - presente
Xénero(s)indie rock, shoegazing
Selo(s) discográfico(s)Columbia Records
MembrosJames Allan
Rab Allan
Paul Donoghue
Jonna Löfgren
Antigos membrosCaroline McKay
Ryan Ross
Páxina webhttp://www.glasvegas.net/

Glasvegas é unha banda escocesa de indie rock procedente de Glasgow. O grupo está composto por James Allan (voces), Rab Allan (guitarra e coros), Paul Donoghue (baixo e coros) e Jonna Löfgren (batería). Glsvegas recibiu moi boas críticas co seu primeiro álbum, Glasvegas , editado en setembro do ano 2008, e que chegou ao número 2 da lista británica de álbums, sendo nomeado para os Mercury Music Prize un ano despois.

A revista NME declarou: "Se The Libertines definiron o comezo da década e Arctic Monkeys a súa metade, entón Glasvegas case con seguridade definirán o seu final e máis aló". Se álbum de estrea, Glasvegas (2008), colleitou éxito no Reino Unido, onde foi platino, e en Suecia, chegando a ser ouro. O impacto da banda no Reino Unido e o éxito do seu primeiro traballo non pasou desapercibido en Norteamérica, onde a banda estivo de xira seis veces entre outubro do 2008 ata setembro do 2009.

O 14 de decembro do 2010, a banda anunciou a contratación dunha nova batería, Jonna Löfgren. O segundo álbum da banda, Euphoric Heartbreak foi publicado o 4 de abril do ano 2011, acadando o número 10 no Reino Unido e o 1 en Suecia.

Discografía[editar | editar a fonte]

Álbum Ano Selo Observacións
Glasvegas 2008 Columbia Records
A Snowflake Fell (and It Felt Like a Kiss) 2008 Columbia Records EP
Euphoric Heartbreak 2011 Columbia Records
Later...When the TV Turns to Static 2013 BMG Records

Véxase tamén[editar | editar a fonte]

Ligazóns externas[editar | editar a fonte]