Giuditta Pasta

Giuditta Pasta
Nome completo	Giuditta Angiola Maria Costanza Negri
Nacemento	26 de outubro de 1797 e 9 de abril de 1798
Lugar de nacemento	Saronno
Falecemento	1 de abril de 1865 e 4 de abril de 1865
Lugar de falecemento	Blevio e Como
Causa	bronquite
Nacionalidade	Reino de Italia, República Cisalpina, República Italiana, Reino de Italia e Reino Lombardo-Vêneto
Ocupación	cantante de ópera
Cónxuxe	Giuseppe Pasta
Na rede
[ editar datos en Wikidata ]

Giuditta Pasta no papel de Anna Bolena.

Giuditta Angiola Maria Costanza Pasta (nada Giuditta Angiola Maria Costanza Negri), nada en Saronno (Italia) o 26 de outubro de 1797 e finada o 1 de abril de 1865 en Como, foi unha cantante italiana cun rexistro de mezzosoprano e soprano. É considerada, xunto con Maria Malibran, a máis célebre cantante lírica do século XIX, aclamada no seu tempo polo seu rango vocal e a súa expresividade.

Traxectoria

Filla de Carlo Antonio Negri e Rachele Ferranti, naceu en Saronno, unha localidade italiana próxima a Milán, o 26 de outubro de 1797 como Giuditta Negri, e dende moi pequena mostrou interese pola música.

Pasta estudou inicialmente de xeito privado con B. Lotti e seu tío F. Ferranti. Proseguiu os seus estudos con Bonifazio Asioli e Giuseppe Scappa no Conservatorio de Milán.

En 1815 realizou o seu debut profesional no Teatro Filodrammatici de Milán en Le tre Eleonore de Scappa, onde interpretou un papel de contralto. O 17 de xaneiro do ano seguinte casou co avogado e tenor Giuseppe Pasta, quen se converteu no seu axente. En 1821 realizou unha interpretación brillante de Desdemona no Otello de Rossini no Théâtre-Italien de París. En 1824 conquistou Londres cunha serie de papeis de óperas de Rossini entre os que incluía o de Semiramis en Semiramide.

Véxase tamén

Ligazóns externas

• Giuditta Pasta en operanostalgia.be (en inglés)