Georgios Stamatopoulos

Georgios Stamatopoulos
Nacemento	1963.
	Atenas.
Área	Deseño de moedas.
Educación	Escola de Belas Artes de Atenas.
Obras	nacionalidade=Grego.
Nacionalidade	Grecia
[ editar datos en Wikidata ]

Georgios Stamatopoulos (grego: Γεώργιος Σταματόπουλος), nado en Atenas en 1963, é un deseñador de moedas grego que forma parte do cadro de gravadores do Banco de Grecia.

Traxectoria

George Stamatopoulos ingresou en 1982 na Escola de Belas Artes de Atenas, onde se graduou en 1988 coa especialidade de Escultura.

En 1995 comezou a traballar no Museo de Escultura da Acrópole e en 1996 gañou un concurso para o deseño de medallas e moedas do sistema do dracma do Banco de Grecia. Finalmente, en 1997 foi contratado por esta institución como gravador.

Logo da súa primeira experiencia co deseño de moedas de finais da década de 1990, Stamatopoulos foi elixido tamén polo Banco de Grecia para deseñar o anverso nacional da serie completa das moedas do novo sistema do euro —entre o céntimo e os dous euros—, que comezaron a circular a partir de 2002.

Así mesmo, é autor do deseño de numerosas moedas conmemorativas gregas e chipriotas da serie do euro. Dous dos seus deseños foron utilizados tamén para os anversos de senllas emisións de moedas conmemorativas de dous euros conxuntas de todos os estados da Eurozona: a que conmemora os 10 anos da Unión Monetaria Europea (2009) e a dos 30 anos da creación da Bandeira da Bandeira da Unión Europea (2015).

Á marxe do deseño de moedas, a súa obra escultórica está baseada normalmente no mundo natural e especialmente nas diversas formas de vida. Os materiais cos que elabora as súas obras son a madeira, o bronce, o mármore e a cerámica, ao tempo que experimenta con novos materiais, como o poliéster. A maior parte das súas creacións están en espazos públicos e en coleccións privadas.

Escolma de traballos

• 
  Anverso. 2 euros (2015). 30 aniversario da bandeira europea, común a toda a Eurozona.
• 
  Anverso. 2 euros (2018). 70 anos da unión do Dodecaneso.
• 
  Anverso. 2 euros (2020). 2500 anos das Termópilas.

Véxase tamén

Outros artigos

• Lista de deseñadores das moedas de euro