Georgie Dann

Na Galipedia, a Wikipedia en galego.
Georgie Dann
Nacemento 14 de xaneiro de 1940 (77 anos)
Lugar París, Francia
Nacionalidade Francia Francesa
Ocupación Cantante
Cónxuxe(s) Emy (1974-presente)
Fillo(s) Patricia, Paúl e ???

Georgie Dann, nado en París o 14 de xaneiro de 1940[1], é un cantante francés mais residente en España.

Traxectoria[editar | editar a fonte]

Georgie Dann naceu no seo dunha familia de músicos e artistas, tendo formación musical na súa infancia. Estudou 9 anos no conservatorio de París[1], converténdose nun experto clarinetista, ademais de tocar o saxofón e o acordeón. Tamén se sacou o título de mestre de escola.[2]

Desenvolveu a súa traxectoria artística inicialmente en Francia, onde formou parte de grupos de pop. Chegou en 1965 a España[1] para representar ao seu país no Festival do Mediterráneo coa canción 'Tout ce que a tu sais'. Estableceuse en España, especializándose na canción do verán, sendo o seu primeiro gran éxito "El casastchok".[2] Fíxose moi popular, cultivando un gran éxito nas décadas de 1970 e 1980[1] con cancións de retrousos pegadizos e bailables e con letras ás veces picantes como "El Bimbó", "Macumba", "Carnaval, Carnaval", "El Africano", "El Chiringuito", "La Barbacoa", "El Koumbo", "La paloma Blanca", "Cuando suena el Acordeón", "Cóctel Tropical", "El Dinosaurio", "El Negro no Puede", "Mi Cafetal", "La Cerveza" etc.[1]

Os primeiros videoclips musicais que se emitiron en RTVE corresponderon a temas de Georgie Dann.[3]

Actualmente reside en Madrid. En 1974 contraeu matrimonio coa española Emy, con quen tivo tres fillos, nados en Madrid. Inicialmente, a súa esposa bailaba nos seus espectáculos.[3] Dous dos seus fillos, Patricia e Paúl, forman o dúo Calle París.

Discografía[editar | editar a fonte]

  • La contraprotesta (1967)
  • Casatschok (1969)
  • El dinosaurio (1972)
  • El bimbó (1975)
  • Campesino (1976)
  • Mi cafetal (1977)
  • A todo ritmo (1983)
  • Arrasando (1984)
  • El africano (1985)
  • Macumba (1986)
  • El negro no puede... (1987)
  • El chiringuito (1988)
  • Enrollate (1990)
  • El veraneo (1993)
  • Cachete, pechito y ombligo (1996)
  • La duchita (1998)
  • Vamos a la pista (2003)
  • Dale, dale (2004)
  • El rey del verano (2007)
  • Los huevos (2010)
  • La batidora (2012)
  • La Cerveza (2013)

Cancións do verán de Georgie Dann[editar | editar a fonte]

Outras cancións de Georgie dann[editar | editar a fonte]

  • 1985 Tahiti
  • 1985 Es Karneval
  • 1985 Llevame Ala costa del Sol
  •  ??? La Orca
  •  ??? Simangue
  • 1985 Levanta la Moral

Notas[editar | editar a fonte]

  1. 1,0 1,1 1,2 1,3 1,4 Oró, Àlex (2001). La Legión Extranjera: Foráneos en la España Musical de Los Sesenta (en español). Editorial Milenio. p. 147. ISBN 849743014X. 
  2. 2,0 2,1 Roberto Miranda Zaragoza (26 de xuño de 2005). "Georgie Dann COMPOSITOR Y CANTANTE : "Era maestro y empecé a componer para los niños"". Consultado o 24 de febreiro de 2017. 
  3. 3,0 3,1 "Biografía". Sitio web oficial. Consultado o 24 de febreiro de 2017. 

Véxase tamén[editar | editar a fonte]

Ligazóns externas[editar | editar a fonte]