Georges Buchard

Georges Buchard
Nome completo	Georges Eugène William Buchard
Nacemento	21 de decembro de 1893
Lugar de nacemento	Harfleur
Falecemento	22 de xaneiro de 1987
Lugar de falecemento	Ruán
Nacionalidade	Francia
Ocupación	esgrimista
Irmáns	Gustave Buchard
Premios	Cabaleiro da Lexión de Honra
	[ editar datos en Wikidata ]
	v; c; e;

Georges Buchard, tamén coñecido como Géo Buchard, nado en Harfleur o 21 de setembro de 1893 e finado o 22 de xaneiro de 1987, foi un tirador de esgrima francés, gañador de seis medallas olímpicas. Irmán do tamén medallista olímpico Gustave Buchard.

Traxectoria[editar | editar a fonte]

Especialista na modalidade de espada, competiu por primeira volta nun campionato de Francia en 1921. participou con trinta anos nos Xogos Olímpicos de 1924 celebrados en París, gañando a medalla de ouro en espada por equipos e finalizando sétimo na proba individual. En 1925 logrou o seu primeiro campionato nacional francés, posición que repetiu en 1927. Nos Xogos Olímpicos de 1928 de Ámsterdan logrou dúas medallas de prata, individual e por equipos, metal que revalidou na proba individual nos Xogos Olímpicos de 1932 dos Ánxeles. Nestes mesmos xogos gañou, así mesmo, a medalla de ouro na proba por equipos. Finalmente, nos Xogos Olímpicos de 1936 de Berlín gañou a medalla de bronce na proba por equipos.

Ao longo da súa carreira gañou seis medallas no Campionato do Mundo de Esgrima, cinco delas de ouro.