Pierre Garand

Pierre Garand

Nome orixinal	(fr) Garou
Biografía
Nacemento	26 de xuño de 1972 (51 anos) Sherbrooke, Canadá (pt)
Datos persoais
Outros nomes	Garou
País de nacionalidade	Canadá
Actividade
Ocupación	cantante , actor , músico , artista discográfico
Período de actividade	1998 -
Xénero artístico	Música pop
Lingua	Lingua francesa
Tesitura	Baixo-barítono
Instrumento	Piano e voz
Selo discográfico	Sony Music
Premios  cabaleiro da orde das Artes e as Letras
Páxina web	garouofficiel.com

Pierre Garand, máis coñecido como Garou, nado o 26 de xuño de 1972 en Sherbrooke, Quebec (Canadá), é un cantante francófono, famoso en países como Canadá, Francia, Bélxica, Suíza ou Polonia.

Traxectoría

Na súa adolescencia comezou a tocar a guitarra nun grupo da súa escola e, tras terminar os seus estudos secundarios, fixo o servizo militar, onde o contrataron como trompetista.

En 1992 comezou a tocar en bares e en 1995 creou con outros músicos o grupo The Untouchables. En 1997 o famoso compositor Luc Plamondon descubriuno e Garou conseguiu o papel de Quasimodo no musical Notre-Dame de Paris, do que se realizaron máis de 100 representacións entre Montreal, París e Londres. A obra recibiu eloxios por parte da crítica e do público e tamén numerosos premios.

Xa no ano 2000, aproveitando a notoriedade que alcanzara, lanzouse a unha carreira en solitario co disco Seul, onde conta cun repertorio coidadosamente seleccionado por Luc Plamondon, na maioría dos temas e a presenza de produtores de renome como David Foster, Walter Afanasieff, Aldo Nova e Humberto Gatica. O álbum conseguiu un enorme éxito no mercado francófono, chegando á certificación de triplo platino no Canadá (máis de 300.000) e a de dobre diamante en Francia (máis de 2.000.000). Ao ano seguinte realizou unha xira polo Canadá e Europa, da que sacou o álbum en directo Seul… avec vous que recolle os mellores temas do seu primeiro álbum e mais varias cancións de Notre-Dame de Paris, así como algúns temas favoritos do cantante como You Can Leave Your Hat On ou La bohème.

En 2003 lanzou o seu segundo disco de estudo Reviens, cun son máis acústico e rodeado de novo por grandes compositores como Jean-Jacques Goldman, Erick Benzi, Jacques Veneruso e Luc Plamondon. Posteriormente saíu unha reedición do álbum que inclúe o exitoso dúo con Michel Sardou La rivière de notre enfance.

Non foi ata 2006 cando saíu o seu terceiro álbum, que leva por título o propio nome do artista, no que se reafirma como unha das voces masculinas máis importantes e cautivadoras da música francófona cunhas vendas totais superiores aos 5 millones de exemplares.

En maio de 2008 lanzou un novo disco, o primeiro da súa carreira en inglés, titulado Piece of My Soul, cuxo sinxelo de presentación foi Stand Up. O álbum inclúe unha versión do tema First Day of My Life, popularizado por Melanie C, e producírono Peer Astrom e Vito Luprano, entre outros.

A finais de 2009 Garou volveu co seu quinto disco de estudo, un álbum de versións de famosos temas de diferentes épocas e estilos, tanto en inglés como en francés. En Gentleman Cambrioleur hai canciones de Frank Sinatra (I Love Paris), Charles Aznavour (À ma fille), U2 (New Year's Day), Rod Stewart (Da Ya Think I'm Sexy), Leonard Cohen (Everybody Knows) ou Madonna (Sorry), entre outros. Garou elixiu persoalmente os temas. O título do álbum, e o tema, "Cabaleiro ladrón" refírese á idea de roubar cancións doutros para levarlas a un novo estilo musical. Este foi o primeiro traballo do artista no seu propio selo discográfico, Wolfgang Entertainment.

En 2010 o artista regresou ao panorama musical co seu sexto disco de estudo: Version intégrale co tema de presentación J'avais besoin d'être là. Para promocionalo, Garou realizou unha pequena xira por Francia e Europa do Leste, pero o álbum case non tivo repercusión.

Actualmente Garou actúa para o Circo do sol no show Zarkana.

Discografía

Álbums

• Notre-dame de Paris Álbum de estudio (1998)
• Notre-Dame de Paris Gravado en vivo no Palacio de Congresos de París (1999)
• Seul (en francés) (2000)
• Seul... avec vous (en francés e inglés) (2001)
• Reviens (en francés) (2003)
• Garou (en francés) (2006)
• Piece of My Soul (en inglés) (2008)
• Gentleman cambrioleur (en francés e inglés) (2009)
• Version intégrale (en francés) (2010)
• Rhythm and Blues (en francés e inglés) (2012)
• Rhythm and Blues (reedición) (en francés e inglés) (2012)

DVD

• Notre-Dame de Paris Espectáculo musical de Luc Plamandon no Palacio de Congresos de París (2000)
• Live à Bercy (2002)
• Routes (existe en simple ou double DVD) (2005)

DualDisc

• Garou (2006)
  • Face CD : Les titres de l'album Garou.
  • Face DVD : Os videoclips L'Injustice e Je suis le même forman un vídeo de arredor de 7 minutos, un reportaxe e un programa interactivo que permite ecoitar o álbum.

Sinxelos

• Belle 1998
• Dieu que le monde est injuste (v) (1999)

Álbums en solitario

• Seul (v) (2000)
• Gitan (v) (2000)
• Sous le vent (v) (2001)
• Que l'amour est violent (2001)
• Jusqu'à me perdre (2003)
• Je n'attendais que vous (v) (2004)
• Le monde est stone (v) (2004)
• Reviens (Ou te caches-tu) (v) (2004)
• La rivière de notre enfance (v) (2004)
• L'aveu (2004)
• Et si on dormait (v) (2005)
• Passe ta route (v) (2006)
• Je Suis Le Même (au Québec) (v) (2006)
• Que le temps (au Québec) (2006)
• L'injustice (en France) (v) (2006)
• Stand Up (v) (2008)
• Heaven's table (v) (2008)
• First day of my life (2009)
• New year's day (2009)
• Aimer d'amour (2010)
• J'avais besoin d'être là (2010)
• For you (2011)
• Le jour se lève (v) (2012)
• I put a spell on you (v) (2012)

(v) : Vídeo dispoñible

Dúos

• Seul (álbum de Garou, con Céline Dion), canción : Sous le vent (2000)
• Reviens (álbum de Garou, con Annie e Suzie Villeneuve), canción Le sucre et le sel (2003)
• Du plaisir (álbum de Michel Sardou), canción : La rivière de notre enfance (2004)
• Within (álbum de Wiliam Joseph), canción : Dust in the wind (Garou cantando e Wiliam Joseph tocando o piano) (2004)
• La fille qui chante (álbum de Marilou Bourdon), canción Tu es comme ça (2005)
• Play (Give Me Love) (álbum de Lorie), Garou só fixo os coros (2007)
• Bijoux de famille, con Jean-Pierre Ferland (2009)
• Gentleman Cambrioleur (álbum de Garou, con Lorie), canción : Aimer d'amour (reestreo de Boule Noire) (2009)
• J'irai où tu iras, con Céline Dion, no álbum de Céline Dion e Jean-Jacques Goldman (2009)
• Mise à jour, con Lorène Devienne, no álbum de Garou Version intégrale (2010)
• Le ciel est noir, con Nana Mouskouri no álbum Nana & Friends (2012)

Véxase tamén

Ligazóns externas

• Páxina web Arquivado 22 de marzo de 2019 en Wayback Machine.(en francés)