Gabriel Vitini Alonso
| Biografía | |
|---|---|
| Nacemento | 1834 provincia de Valladolid, España  |
| Morte | 1905 (59/60 anos) A Coruña, España |
| Datos persoais | |
| País de nacionalidade | España |
| Actividade | |
| Lingua | Lingua castelá |
Gabriel Vitini Alonso, nado en Castrillo-Tejeriego (Valladolid) o 18 de marzo de 1834[1] e finado na Coruña en 1905[2], foi un mestre de obras valisoletano que traballou na cidade da Coruña.
Traxectoria[editar | editar a fonte]
Fixo estudos na Escola de Belas Artes de Valladolid entre 1866 e 1869. Trasladado á cidade da Coruña exerceu como mestre de obras (agora arquitectos técnicos ou enxeñeiros de edificación) entre 1870 e 1901.
Durante a súa estancia na cidade herculina realizou diversos proxectos, merecendo destacarse, polo impacto como construción emblemática urbana, o Obelisco dos Cantóns, que foi inaugurado en 1895, e cuxa base e cimentación debeuse a Antonio de Mesa.
A este mestre de obras débese o inicio da serie de galerías da cidade da Coruña, solución doméstica innovadora que se empregou despois con profusión nas edificacións privadas.
Notas[editar | editar a fonte]
- ↑ Domínguez Burrieza, Francisco Javier (13 de marzo de 2020). "Maestros de obras sin obras: talento perdido en la arquitectura española de finales del siglo XIX (ejemplos de profesionales titulados en Valladolid)". EGA Revista de Expresión Gráfica Arquitectónica (en castelán) 25 (38): 64. ISSN 2254-6103. doi:10.4995/ega.2020.11199.
- ↑ "Gabriel Vitini Alonso - Real Academia de la Historia". dbe.rah.es (en castelán). Consultado o 6 de maio de 2021.
Véxase tamén[editar | editar a fonte]
Ligazóns externas[editar | editar a fonte]
- "La cimentación del obelisco coruñés a través de su proyecto" da ETSA da Coruña (en castelán).
