Gabriel Rufián
| Gabriel Rufián | |
|---|---|
.jpg) | |
| Nacemento | 8 de febreiro de 1982 |
| Santa Coloma de Gramenet | |
| Nacionalidade | España |
| Alma máter | Universidade Pompeu Fabra e Universidade Pompeu Fabra |
| Ocupación | graduado social e político |
| [ editar datos en Wikidata ] | |
Gabriel Rufián Romero, nado en Barcelona o 8 de febreiro de 1982, é un activista social e político catalán vinculado con movementos sociais de esquerdas e independentistas.
Traxectoria[editar | editar a fonte]
Fillo e neto de andaluces de Xaén e Granada, medrou no barrio do Fondo de Santa Coloma de Gramenet.[1] Desde 2014 foi voceiro da plataforma independentista que agrupa a castelanfalantes, Súmate. En 2015 ingresou na Assemblea Nacional Catalana (ANC), formando parte do seu Secretariado Nacional. O 11 de setembro de 2015 foi un dos protagonistas da Via Lliure cap a la República Catalana como voceiro en castelán da ANC no escenario central do acto da Diada na Meridiana de Barcelona.[2] Durante a campaña electoral para as eleccións catalás do 27 de setembro participou en actos de campaña de Junts pel Sí realizando chamamentos para a participación dos castelanfalantes[3] e mais no acto final da campaña de JxS[4]. En novembro de 2015 sóubose que ía encabezar a lista por Barcelona de Esquerra Republicana de Catalunya para as eleccións ao Congreso dos Deputados do 20 de decembro.[5]
É colaborador habitual en debates e tertulias de actualidade política en diversos medios de comunicación, entre outros en 2324 de Televisió de Catalunya, El Matí de Catalunya Ràdio, El Punt Avui TV, 13TV,[6] e publica regularmente artigos de opinión en El Matí digital,[7] El Singular,[8] Nació Digital,[9] El Punt Avui,[10] ouEl Món.
Notas[editar | editar a fonte]
- ↑ «PERFIL Gabriel Rufián, independentisme en castellà i orgull de barri, Nació Digital
- ↑ «Intervención de Gabriel Rufián na Via Lliure»(en castelán),11 de setembro de 2015.
- ↑ «Acte amb JxSi sobre el castellà, Ara(en catalàn)
- ↑ «Intervenció de Gabriel Rufián a l'acte final campanya Junts pel Si, El Mon
- ↑ «Gabriel Rufián encapçalarà candidatura ERC a les eleccions 20D, Nació Digital»
- ↑ «Intervencións de Gabriel Rufián en 13TV»
- ↑ «Articles de Gabriel Rufián Arquivado 23 de setembro de 2015 en Wayback Machine.»
- ↑ «Articles d'opinió Arquivado 12 de maio de 2015 en Wayback Machine.»
- ↑ «De dignitat, d'independència i de Catalunya»
- ↑ «Articles de Gabriel Rufián al Punt Avui»
|
