Gabino de Lorenzo
Biografía | |||||||||||||||
---|---|---|---|---|---|---|---|---|---|---|---|---|---|---|---|
Nacemento | 14 de febreiro de 1943 (81 anos) Oviedo, España | ||||||||||||||
Cargos | |||||||||||||||
Delegado do Goberno de España en Asturias | |||||||||||||||
Período | 9 de xaneiro de 2012 – | ||||||||||||||
Antecesor | Francisco González Zapico | ||||||||||||||
Alcalde de Oviedo | |||||||||||||||
Período | 15 de xuño de 1991 – 9 de xaneiro de 2012 | ||||||||||||||
Antecesor | Antonio Masip | ||||||||||||||
Sucesor | Agustín Iglesias Caunedo | ||||||||||||||
Concelleiro do Concello de Oviedo | |||||||||||||||
Período | 10 de xuño de 1987 – 9 de xaneiro de 2012 | ||||||||||||||
Datos persoais | |||||||||||||||
País de nacionalidade | España | ||||||||||||||
Educación | Universidade de Oviedo | ||||||||||||||
Actividade | |||||||||||||||
Lugar de traballo | Oviedo | ||||||||||||||
Ocupación | Enxeñeiro de minas | ||||||||||||||
Partido político | Partido Popular | ||||||||||||||
Lingua | Lingua castelá | ||||||||||||||
Lista
|
Gabino de Lorenzo Ferrera, nado o 14 de febreiro de 1943 en Oviedo, é un político asturiano que milita no Partido Popular. É o actual delegado do goberno en Asturias, cargo para o que foi nomeado no Consello de Ministros de España o día 5 de xaneiro de 2012.[1]
Biografía[editar | editar a fonte]
Está casado e ten dous fillos. Estudou no Colexio dos Irmáns Maristas e máis tarde obtivo o título de enxeñeiro na Escola de Minas de Oviedo e posteriormente o de doutor na Universidade de Oviedo.
A súa vida laboral empezou en Uninsa na Fábrica de Moreda de Xixón, e posteriormente, en Ensidesa (Veriña) e, tanto en Moreda como en Ensidesa, traballou nas oficinas do alto forno.
Afiliouse a Alianza Popular en 1983. No ano 1987 abandonou o exercicio da súa profesión cando foi elixido Concelleiro de Oviedo como cabeza de lista do PP, grupo maioritario da oposición neses momentos. Desde entón até o 2 de marzo de 2013 presidiu a Xunta Local do PP en Oviedo.
Catro anos máis tarde, en 1991, obtivo a alcaldía de Oviedo, cargo que repetiu con maiorías absolutas nas eleccións de 1995, 1999, 2003 e de 2007.
Desde 1995 é membro da Xunta Directiva Nacional do Partido Popular e tamén forma parte do Comité Executivo Rexional e da Xunta Directiva Rexional en Asturias.
Durante os anos da súa alcaldía Oviedo experimentou unha renovación do contorno urbano: foi pioneiro na peatonalización das rúas da cidade e no soterramento das vías férreas no centro. Durante a década dos noventa, a cidade foi remodelada na súa maior parte, dándolle un aspecto uniforme. Estas melloras permitiron que Oviedo se consolidara como un dos destinos turísticos principais da zona central de Asturias, á vez que se consolida como un importante centro de turismo de congresos (sobre todo a raíz da apertura do Auditorio-Palacio de Congresos Príncipe Felipe). Realizou grandes investimentos en limpeza, conseguindo varios premios para a cidade: en 1994 gañou a Vasoira de Prata á cidade máis limpa de España, en 1996 a Vasoira de Ouro, en 2002 e en 2004 a Vasoira de Platino (no 2004 foi pola recollida selectiva de lixo).[2]
En xaneiro de 2008 foi designado cabeza de lista nas eleccións xerais por Asturias ao Congreso dos Deputados. O 9 de marzo de 2008 o PP perdeu as eleccións en número de votos en Asturias e Gabino renunciou á súa acta de deputado «por non ter alcanzado os obxectivos que se propuxeran».[3]
Tras vinte anos ostentando de forma ininterrompida a alcaldía de Oviedo con maioría absoluta, o 22 de maio de 2011 de Lorenzo perde dita maioría no concello a causa da irrupción de Foro Asturias no panorama político asturiano: o Partido Popular baixou de 17 a 11 edís, e Arturo González de Mesa, candidato por FAC á alcaldía, conseguiu 7 edís, converténdose na segunda forza política no Consistorio, por diante do PSOE e de IU.[4] Non obstante, Gabino de Lorenzo foi ratificado como alcalde por sexta vez, nesta ocasión para gobernar en minoría.
O 5 de xaneiro de 2012 foi nomeado delegado do goberno en Asturias, tendo que renunciar á súa acta de concelleiro e á alcaldía de Oviedo para asumir as súas novas responsabilidades o día 9 de xaneiro de 2012.[1]
Notas[editar | editar a fonte]
- ↑ 1,0 1,1 Rubio, Alberto (5 de xaneiro de 2012). "Gabino de Lorenzo, nuevo delegado del Gobierno en Asturias". La Nueva España. EFE. Consultado o 22 de maio de 2013.
- ↑ "Oviedo repite el galardón ‘Escoba de Platino’ a la ciudad más limpia". La Hora de Asturias (en español). Consultado o 22 de maio de 2013.
- ↑ EFE, ed. (11 de marzo de 2008). "Gabino De Lorenzo renuncia a su acta de diputado". La Nueva España. Arquivado dende o orixinal o 16 de maio de 2008. Consultado o 22 de maio de 2013.
asumo personalmente la responsabilidad de no haber alcanzado los objetivos que nos habíamos propuesto
- ↑ "Resultados Oviedo 2011". El Mundo. 22 de maio de 2011. Arquivado dende o orixinal o 19 de decembro de 2011. Consultado o 22 de maio de 2013.
Predecesor: Antonio Landeta y Álvarez-Valdés |
Presidente da Xunta Local do PP de Oviedo 1987-2013 |
Sucesor: Agustín Iglesias Caunedo |
Predecesor: Antonio Masip |
Alcalde de Oviedo 1991-2012 |
Sucesor: Agustín Iglesias Caunedo |
Predecesor: Francisco González Zapico |
Delegado do Goberno de España en Asturias 2012-actualidade |
Sucesor: No cargo |