Fundación de Estudios Libertarios Anselmo Lorenzo

Na Galipedia, a Wikipedia en galego.
Saltar ata a navegación Saltar á busca
Fundación de Estudios Libertarios Anselmo Lorenzo

A Fundación de Estudios Libertarios Anselmo Lorenzo (tamén coñecida como Fundación Anselmo Lorenzo ou FAL), é unha organización cultural creada pola CNT en 1987.

Historia e características[editar | editar a fonte]

O seu nome é unha homenaxe a Anselmo Lorenzo, anarquista toledano que participou na creación do primeiro núcleo sindical en España.
A FAL é un dos principais puntos de referencia para os historiadores que estudan o movemento obreiro español. Os seus obxectivos son recuperar a memoria histórica do anarquismo e o anarcosindicalismo español, e difundir as ideas libertarias mediante propostas culturais.

Algunhas das actividades desenvolvidas pola fundación son:

  • Mantemento, catalogación e ofrecemento ó público (estudantes, historiadores, directores de cine, curiosos...) dos fondos históricos da CNT (microfilmes do material que a CNT logrou salvar trala guerra civil e levou ó Instituto Social de Ámsterdan, documentación orgánica do sindicato, publicacións periódicas, libros, vídeos, fotos e outros documentos relacionados con movementos sociais e o movemento obreiro, facendo énfase en tendencias libertarias).
  • Edición de libros e materiais noutros formatos. A FAL leva varios anos editando coleccións de biografías, textos clásicos, coleccións de fotos da revolución española, vídeos.
  • Preparación de eventos culturais en congresos da CNT ou da AIT, charlas, coloquios, conferencias, videoforums, presentacións de libros...
  • Edición do boletín interno Bicel (Boletín Interno de Centros de Estudios Libertarios).
  • Coordinación con outros proxectos similares vinculados á FAL.

A FAL recibiu un pulo considerable durante o VIII Congreso da CNT, no que se tomaron acordos que fixeron explícita a importancia da fundación para o sindicato.

A sede da fundación está na rúa Peñuelas, 41 de Madrid.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]