Francisco Rodríguez Suárez
| Biografía | |
|---|---|
| Nacemento | 24 de decembro de 1898  Abelleira, España |
| Morte | 3 de xaneiro de 1996 (97 anos) Muros, España |
| Datos persoais | |
| País de nacionalidade | España |
| Actividade | |
| Ocupación | mestre , político |
| Lingua | Lingua castelá |
Francisco Horacio Rodríguez Suárez, coñecido como Paquiño, nado en Abelleira (Muros) o 24 de decembro de 1898 e finado no mesmo concello o 3 de xaneiro de 1996,[1] foi un mestre, empresario e político galego.
Traxectoria[editar | editar a fonte]
Membro da socieade agraria Amigos Mútuos de Abelleira e Torea, foi un dos promotores da Federación Agraria do Partido de Muros creada en 1922.[2] Foi mestre de Torea dende 1925 e a partir de 1928 mestre de Serres. Fundou en 1934 a empresa construtora S Rodríguez dedicada ás obras marítimas.[3] Membro da Agrupación de Trabajadores y Agricultores de Serres e militante do PSOE. Participou como representante da sociedade La Potección Social Esteirana de Muros na asemblea para o Estatuto de Autonomía de Galicia de xuño de 1931.[4] Logo do triunfo do Frente Popular en febreiro de 1936, foi nomeado concelleiro de Muros. Co golpe de Estado do 18 de xullo de 1936 foi suspendido.[5] Fuxiu e estivo agochado na súa casa ata que foi detido pola Garda Civil auxiliada polas milicias das Juventudes de Acción Popular, o 10 de xaneiro de 1937.[6] Xulgado en Santiago de Compostela en consello de guerra o 12 de xuño por rebelión, foi condenado a cadea perpetua. Estivo preso na Prisión da Coruña ata que saíu en liberdade vixiada en xullo de 1940. Depurado, foi separado definitivamente do servizo e baixa no posto.[7] Ao saír do cárcere dedicouse á contrata de obras na súa empresa. Rehabilitado, foi mestre de Tal. Nas eleccións municipais de 1983 figurou como candidato número catro de Unidade Galega á alcaldía de Muros.[8]
Vida persoal[editar | editar a fonte]
Casou con Juliana Fernández Mayo e foi pai de Lourdes, María, Ángel, Segundo e Francisco Rodríguez Fernández.
Notas[editar | editar a fonte]
- ↑ Necrolóxica en La Voz de Galicia, 4-1-1996, p. 73.
- ↑ Heraldo de Galicia, 25-6-1922, p. 6.
- ↑ La Voz de Galicia, 5-6-1993, p. 61.
- ↑ El Pueblo Gallego, 5-6-1931, p. 1.
- ↑ La Voz de Galicia, 20-8-1936, p. 2.
- ↑ El Correo Gallego, 16-1-1937, p. 4.
- ↑ BOP, 8-7-1940.
- ↑ La Voz de Galicia, Santiago, 30-3-1983, p. 26.
Véxase tamén[editar | editar a fonte]
Bibliografía[editar | editar a fonte]
- Gabriel, Narciso de (2019). "A represión dos mestres republicanos de Muros". Sarmiento 23: 257–289.
- Gabriel, Narciso de (2021). Vermellos e laicos. A represión fascista do maxisterio coruñés. Vigo: Galaxia. pp. 278–291. ISBN 978-84-9151-614-9.
Ligazóns externas[editar | editar a fonte]
Francisco Rodríguez Suárez na páxina web Nomes e Voces.