Francisco José Montesinos
| Biografía | |
|---|---|
| Nacemento | 1966  (57/58 anos)A Mezquita, España |
| Datos persoais | |
| País de nacionalidade | España |
| Actividade | |
| Ocupación | político , empresario |
Francisco José Montesinos Rodríguez, nado na Mezquita en 1966, é un político e empresario galego do PPdeG.
Traxectoria[editar | editar a fonte]
Propietario dunha panadería e dun bar. Nas eleccións municipais de 1991 foi o número 2 do PPdeG na Mezquita e foi elixido concelleiro. Nas eleccións municipais de 1995 encabezou a candidatura do PPdeG e foi elixido alcalde con maioría absoluta. Nas municipais de 1999 e 2003 foi reelixido alcalde, novamente con maioría absoluta. Nas municipais de 2007 perdeu a maioría absoluta e perdeu a alcaldía tras un pacto entre PSdeG e BNG. Nese mandato foi designado deputado provincial.
En febreiro de 2011 abandonou o PPdeG, despois de que o presidente provincial do partido José Manuel Baltar disolvese o comité local e nomease outro candidato[1]. Nas municipais dese ano encabezou a formación independente Mezquitenses Agrupados e gañou amplamente as eleccións, quedando a moi poucos votos da maioría absoluta. Porén, non recuperou a alcaldía dado que o único concelleiro do PPdeG apoiou o candidato do BNG Rafael Pérez Vázquez e pasou a gobernar cos nacionalistas e os socialistas[2]. En xaneiro de 2014 presentou unha moción de censura co apoio dun concelleiro tránsfuga exsocialista, porén non puido debaterse dado que legalmente o voto do tránsfuga non era válido[3].
En novembro de 2014 regresou ó PPdeG[4], encabezando a súa candidatura nas municipais de 2015. Logrou se-la forza máis votada, pero sen maioría absoluta, polo que o nacionalista Rafael Pérez continuou gobernando grazas ao apoio do PSdeG.
| Predecesor: Sergio García Ferrera |
 Alcalde da Mezquita 1995 - 2007 |
Sucesor: José Luis Santamarina Ferro |
Vida persoal[editar | editar a fonte]
É irmán de Andrés Montesinos, alcalde de Viana do Bolo polo PPdeG.
Notas[editar | editar a fonte]
- ↑ Montesinos desafía a Baltar y se presentará como independiente a la Alcaldía de A Mezquita
- ↑ El PP priva a Montesinos de la Alcaldía de A Mezquita y se suma al pacto PSOE-BNG
- ↑ La moción de censura en A Mezquita no sale adelante
- ↑ El exalcalde de A Mezquita vuelve al PP tres años después de ser expulsado del partido