Francisco Cofán Eiriz
| Biografía | |
|---|---|
| Nacemento | 1901  Oleiros, España |
| Morte | 7 de outubro de 1936 (34/35 anos) Ourense, España |
| Datos persoais | |
| País de nacionalidade | España |
| Actividade | |
| Ocupación | comerciante , político |
| Lingua | Lingua castelá |
Francisco Cofán Eiriz, nado en Oleiros (Carballedo) cara a 1901 e finado en Ourense o 7 de outubro de 1936, foi un comerciante e político galego.
Traxectoria[editar | editar a fonte]
Comerciante veciño da Parada de Piñor (Barbadás). Esquerdista, cando se produciu o golpe de Estado do 18 de xullo de 1936 participou no único conato de resistencia ao golpe en Ourense, o corte das liñas telegráficas onde a gasolineira do Xardín do Posío, preto da Casa do Pobo, unha operación dirixida por Manuel Gómez del Valle e Fernando Cordón García. Logo agochouse no domicilio de Erundina Álvarez Pérez. Trasladado a casa de Erundina en Ferreiros, foi denunciado. A Garda Civil encontrouno, e foi detido. Estivo preso no cárcere de Ourense do 23 de setembro ao 5 de outubro, cando foi posto en liberdade. Dous días despois, o 7 de outubro, foi paseado na estrada de Reza. En xaneiro de 1937 o Xulgado Militar de Incautacións e Confiscacións decretou a incautación de todos os seus bens.[1]
Notas[editar | editar a fonte]
- ↑ La Región, 13-1-1937.
Véxase tamén[editar | editar a fonte]
Bibliografía[editar | editar a fonte]
- Gómez, Xosé Lois (2019). "Undina, a muller que fusilaron no Campo de Aragón". Lethes. Cadernos culturais do Limia (Centro Cultural Popular do Limia) (14): 129–139.
Ligazóns externas[editar | editar a fonte]
- Francisco Cofán Eiriz na páxina web Nomes e Voces.