Paco Boya

Paco Boya
	; (2018)
Nome orixinal	(oc) Francés Boya Alòs
Biografía
Nacemento	23 de xaneiro de 1960 (64 anos); Les, España
Member of Conselh Generau d'Aran (en)
	18 de xuño de 2019 – ; Circunscrición electoral: Q64825521 ; Electo en: 2019 Aranese Council election (en)
Síndico de Arán
	18 de xuño de 2019 – 29 de outubro de 2020 ; ← Carles Barrera – Maria Vergés Pérez →
Provincial Deputy of Lleida (en)
	2015 – 2019
Senador de España
	20 de novembro de 2011 – 27 de outubro de 2015 ; Lexislatura: X lexislatura de España ; Circunscrición electoral: Lleida (en) ; Electo en: Elections to the Senate of Spain in 2011 (en)
Síndico de Arán
	18 de xuño de 2007 – 18 de xuño de 2011 ; ← Carles Barrera – Carles Barrera →
Deputado do Parlamento de Cataluña
	16 de maio de 1999 – 5 de outubro de 2010 ; Circunscrición electoral: Lleida (en)
Datos persoais
País de nacionalidade	España
Actividade
Lugar de traballo	Barcelona
Ocupación	político , músico , escritor
Partido político	Unitat d'Aran ; Partit dels Socialistes de Catalunya
Lingua	Lingua catalá, lingua castelá e lingua occitana

Francés Xavier Boya Alòs, nado en Les (Lleida) o 23 de xaneiro de 1960, máis coñecido como Paco Boya, é un político, escritor, músico e senador aranés, que foi Síndico de Arán entre 2007 e 2011 e de 2019 a 2020.

Traxectoria[editar | editar a fonte]

Cursou estudos de formación profesional e é técnico de grado medio en electricidade. Foi xefe de departamento na Administración da Generalitat de Cataluña durante oito anos. Foi director do programa Era lucana de Televisión Española en Cataluña (1989-1990) e colaborou co xornal Segre e a revista Descobrir Catalunya.

É autor do libro Aran, da guía literaria Era Val d'Aran (1995), das narracións curtas L'alè del bosc (1997) e da novela Presoèrs dera mar gelada (1999), pola que recibiu o premio Les Talúries en 1998.

Recibiu a medalla da cidade francesa de Bagnères-de-Luchon (1998) e a medalla Stéphen Liégeard (1999) pola obra Presoèrs dera mar gelada.

Actividade política[editar | editar a fonte]

É membro fundador do partido Unitat d'Aran (1978), do que é secretario xeral, afiliado ao Partit dels Socialistes de Catalunya (PSC) dende 1995. Foi concelleiro de Cultura do Concello de Les (1989-2003) e tamén tenente de alcalde (1991-2007). Ademais foi deputado no Parlament de Catalunya (1999-2010).

Nas eleccións de maio de 2007 ao Consello Xeral de Arán, Unitat d'Aran foi a forza máis votada e co apoio do Partit Renovador d'Arties-Garòs foi investido Síndico de Arán. En 2011 non conseguiu ser reelixido.

Entre 2011 e 2015 foi senador. En 2015 é elixido na Deputación de Lleida onde forma parte do grupo Unitat d'Aran-Coalició de Progrès.

Reelixido síndico de Arán en 2019 ocupou o posto ata finais de outubro de 2020 ao se tornar secretario xeral para o Reto Demográfico do goberno español^[1]