Formia

Na Galipedia, a Wikipedia en galego.
Saltar ata a navegación Saltar á procura

Coordenadas: 41°16′N 13°37′L / 41.267, -13.617 Formia é un concello da costa mediterránea italiana da rexión do Lacio, provincia de Latina, con arredor de 35 758 habitantes. Esténdese por unha área de 73 km², cunha densidade de poboación de 490 hab./km². Linda cos concellos de Esperia, Gaeta, Itri, Minturno e Spigno Saturnia.

Historia[editar | editar a fonte]

Torre octogonal de Castellone.

Formia foi fundada polos Laconi e baixo o nome grego de Ὁρμίαι (hormiai), despois en latín Ormiae. Xa na época da república romana pasou a ser chamada Formiae.

Marcus Tullius Cicero foi asasinado na Vía Appia na periferia da vila no ano 43 a.C., e a súa tumba aínda é recoñecible. Na vila naceu o santo Erasmo de Formia, mártir, finado sobre o ano 303 durante as persecucións de Diocleciano.

Logo da caída do Imperio Romano de Occidente, Formia foi saqueada polos bárbaros e a poboación dispersouse en dous burgos, baixo o dominio de Gaeta. Carlos II de Anjou construíu un castelo na barriada costeira, Mola di Gaeta. O outro barrio, Castellone, ten un castelo erixido a mediados do século XIV por Onorato I Caetani, conde de Fondi.

Os dous barrios reconstituíronse como concello común outra vez en 1863, baixo o nome de Formia. A vila sufriu fortes danos en 1943 e 1944 por mor dos bombardeos e a Batalla de Anzio.