Fleabag
| Fleabag | |
|---|---|
 Logo da serie. | |
| Formato | Serie de televisión |
| Creado por | Phoebe Waller-Bridge |
| Dirixido por | Harry Bradbeer Tim Kirkby (episodio piloto) |
| Intérpretes | Phoebe Waller-Bridge Sian Clifford Andrew Scott |
| País de orixe | Reino Unido |
| Lingua(s) | Inglés |
| Temporadas | 2 |
| Episodios | 12 |
| Produción | |
| Produtor(es) executivo(s) | Phoebe Waller-Bridge Harry Williams Jack Williams Harry Bradbeer (tempada 2) Lydia Hampson (tempada 2) Joe Lewis (tempada 2) |
| Duración | 23–28 minutos (aprox.) |
| Emisión orixinal | |
| Canle de orixe | BBC Three (tempada 1) BBC One (tempada 2) |
| Primeira emisión | 21 de xullo de 2016 |
| Derradeira emisión | 8 de abril de 2019 |
| Na rede | |
| https://www.amazon.com/gp/video/detail/B07QGKM68X/ref=atv_dp_season_select_atf/ref=dvm_us_aos_soc_flbg_tw_or_33 | |
          | |
| [ editar datos en Wikidata ] | |
Fleabag é unha serie de televisión británica creada, escrita e protagonizada por Phoebe Waller-Bridge, baseada nun monólogo seu que comezou a representar en 2013. Producida por Two Brothers Pictures e emitida por BBC Three e Amazon Prime Video,[1][2] consta de dúas tempadas con cadanseus seis capítulos. Estreouse o 21 de xullo de 2016 en BBC Three. O derradeiro episodio da segunda tempada emitiuse o 8 de abril de 2019.[3] A serie acadou seis Emmy e onze candidaturas dos Premios Emmy do ano 2019, entre os que destacan á mellor comedia, á mellor actriz en serie de comedia e ao mellor guión, por Phoebe Waller-Bridge.[4][5]
Sinopse[editar | editar a fonte]
Fleabag é unha moza londiniense directa, vital e inconformista que pasa por unha crise despois de perder a súa mellor amiga coa que montara unha cafetaría. Con diálogo co espectador, o personaxe amósanos dende o seu punto de vista a súa inestábel e frenética vida sexual e amorosa, e as complicación relacións coa súa familia.[6][7]
Elenco e personaxes[editar | editar a fonte]
Principais[editar | editar a fonte]
- Phoebe Waller-Bridge como Fleabag (aínda que nunca se di o seu nome no guión).
- Sian Clifford como Claire, a irmá de Fleabag.
- Andrew Scott como o cura, do que namora Fleabag (na segunda tempada).
Recorrentes[editar | editar a fonte]
- Olivia Colman como a madriña de Fleabag e Claire, quen comeza unha relación co seu pai pouco despois da morte súa nai e posteriormente se converte na súa madrasta.
- Bill Paterson como pai de Fleabag e Claire.
- Brett Gelman como Martin, o home de Claire.
- Hugh Skinner como Harry, o ex mozo de Fleabag.
- Hugh Dennis como xerente do banco.
- Ben Aldridge como un dos amantes de Fleabag.
- Jenny Rainsford como Boo, a mellor amiga e socia de negocios de Fleabag.
- Angus Imrie como Jake, o fillo adolescente de Martin e fillastro de Claire.
Convidados[editar | editar a fonte]
- Jamie Demetriou como un dos amantes de Fleabag (tempada 1).
- Fiona Shaw como como conselleira de Fleabag (tempada 2).
- Kristin Scott Thomas como Belinda, unha exitosa muller de negocios que coñece a Fleabag nunha entrega de premios presentada por Claire (tempada 2)
- Ray Fearon como avogado e amante de Fleabag (tempada 2).
- Christian Hillborg como Klare, compañeiro finés de traballo e amante de Claire (tempada 2).
- Jo Martin como Pam, que traballa na igrexa do cura (tempada 2).
Tempadas[editar | editar a fonte]
| Tempada | Capítulos | Data de comezo | Data de finalización | |
|---|---|---|---|---|
| 1 | 6 | 21 de xullo de 2016 | 25 de agosto de 2016 | |
| 2 | 6 | 4 de marzo de 2019 | 8 de abril de 2019 | |
Notas[editar | editar a fonte]
- ↑ Martinson, Jane (11 de decembro de 2016). "Brothers behind TV shows Fleabag and The Missing: ‘It doesn’t stop. That’s good’". The Guardian. ISSN 0261-3077.
- ↑ National Public Radio (npr.org) (ed.). "'Fleabag' And 'Killing Eve' Creator Phoebe Waller-Bridge Is Full Of Surprises". Consultado o 5 de abril de 2020.
- ↑ VanArendonk, Kathryn (23 de maio de 2019). "Fleabag Breaks the Fourth Wall and Then Breaks Our Hearts". Consultado o 5 de abril de 2020.
- ↑ Sandoval, Pablo Ximénez de (23 de setembro de 2019). "‘Fleabag’ hace sombra a la despedida de ‘Juego de tronos’ en los Emmy". El País. ISSN 1134-6582.
- ↑ "Nominees / Winners 2019". Consultado o 8 de abril de 2020.
- ↑ VanArendonk, Kathryn (23 de maio de 2019). "Fleabag Breaks the Fourth Wall and Then Breaks Our Hearts". Consultado o 7 de abril de 2020.
- ↑ Jones, Ellen E. (20 de abril de 2019). "Fleabag is a work of undeniable genius. But it is for posh girls". The Guardian. ISSN 0261-3077.
