Fernando Quiñones de León
  | |
| Biografía | |
|---|---|
| Nacemento | 27 de decembro de 1858 París, Francia |
| Morte | xaneiro de 1937 (78 anos) Exipto |
| Datos persoais | |
| País de nacionalidade | España |
| Actividade | |
| Ocupación | historiador , diplomático |
| Lingua | Lingua castelá |
| Outro | |
| Título | Marqués |
| Fillos | Antonia Maria Quiñones de Léon y Bañuelos, 4.Marquesa de San Carlos (en)  |
| Pais | Cayo Quiñones de León Santalla e Doña Ana de Francisco-Martin, 1.Marquésa de San Carlos (en) |
 | |
Fernando Juan José Quiñones de León de Francisco-Martín, marqués de Alcedo, nado en París o 27 de decembro de 1858 e finado en Exipto en xaneiro de 1937, foi un diplomático e político español.
Traxectoria[editar | editar a fonte]
Fillo de Cayo Quiñones de León Santalla. Levou o título de marqués de Alcedo dende 1891. Político conservador. Diplomático, foi agregado diplomático en Roma (1883) e un ano despois secretario da embaixada. En 1884 destinárono como secretario de segunda clase á embaixada de Atenas, de onde pasou a Lisboa (1888), Bucarest (1889), A Haia (1890) e Estocolmo (1892-1894). Ascendido a secretario de primeira, en 1919 formou parte da delegación española en Constantinopla. Residiu entre Roma e Biarritz. Herdou o pazo de Castrelos do seu fillo Fernando Quiñones de León Elduayen, finado en 1918. Cedeu o pazo á cidade de Vigo o 12 de decembro de 1924. Por este xesto, a petición das institucións de Vigo, o rei concedéulle o título de grande de España.[1]
Recoñecementos[editar | editar a fonte]
Foi nomeado fillo adoptivo de Vigo.
Vida persoal[editar | editar a fonte]
Casou en 1883 con María de los Milagos Elduayen Martínez, marquesa de Valladares, filla de José Elduayen Gorriti, e foi pai de Fernando Quiñones de León Elduayen. Casou en segundas nupcias en 1891 con Antonia Bañuelos Thorndike, condesa de Bañuelos, e foi pai de Antonia e Isabel Quiñones de León Bañuelos.
Notas[editar | editar a fonte]
- ↑ La Provincia, 8-3-1925, p. 1.
Véxase tamén[editar | editar a fonte]
Bibliografía[editar | editar a fonte]
- Martín, Gerardo (2017). Diccionario de vigueses (1875-1945). Retazos de historia local a través de la vida de más de 1700 personajes. Pontevedra: Deputación Provincial. pp. 22–23. ISBN 978-84-8457-448-4.
