Fernanda Botelho
| Biografía | |
|---|---|
| Nacemento | 1 de decembro de 1926  Porto, Portugal |
| Morte | 11 de decembro de 2007 (81 anos) Lisboa, Portugal |
| Educación | Universidade de Lisboa Universidade de Coímbra |
| Actividade | |
| Campo de traballo | Escrita creativa e profesional e actividade tradutora |
| Ocupación | escritora, poetisa, tradutora |
| Premios | |
Maria Fernanda de Faria e Castro Botelho, nada no Porto o 1 de decembro de 1926 e finada en Lisboa o 11 de decembro de 2007, foi unha escritora portuguesa.
Traxectoria
[editar | editar a fonte]Era parente afastada do escritor Camilo Castelo Branco. Estudou Filoloxía Clásica nas Universidades de Coímbra e Lisboa, cidade á que se mudaría para ocupar a dirección do departamento belga de turismo entre 1973 e 1983.
Foi cofundadora da revista Távola Redonda,[1] pero tamén colaborou noutras publicacións periódicas, entre as que se atopaban as revistas Europa e Graal.
En termos literarios fixo a súa estrea co libro Coordenadas Líricas (1951).
En 2020 estaba pevista a reedición da súa obra a a creación dunha Casa-Museu no Cadaval.[2]
Obras
[editar | editar a fonte]- As Coordenadas Líricas (1951). Edições Távola Redonda, Lisboa. 56 páxs.
- O Enigma das Sete Alíneas (1956). Composto e impresso na Casa Portuguesa. 55 páxs.
- O Ângulo Raso (1957). En 1970: Livraria Bertrand. 335 páxs
- Calendário Privado (1958). Livraria Bertrand. 267 páxs.
- A Gata e a Fábula (1960). Ed. de 1987 en Contexto, ISBN 9789725750636. Ed. de 2005 en Editorial Presença, ISBN 9789722334068. Ed. de 2018 en Abysmo, ISBN 9789898688583.
- Xerazade e os outros (1964). Ed. de 1.989 en Contexto, ISBN 9789725750742
- Terra sem Música (1969). Ed. de 1991 en Contexto, ISBN 9789725751077.
- Lourenço É Nome de Jogral (1971). Ed. de 1991 en Contexto, ISBN 9789725751114. Ed. de 2020 en Abysmo, ISBN 9789899014046.
- Esta Noite Sonhei com Brughel (1987). Contexto. ISBN 9789725750674. Ed. de 2017 en Abysmo, ISBN 9789898688439.
- Festa em Casa de Flores (1990). Contexto. ISBN 9789725750889.
- As contadoras de histórias (1999). Editorial Presença. ISBN 9789722323673.
- Gritos da Minha Dança, inéditos (2003). Editorial Presença. ISBN 9789722330336.
Crítica
[editar | editar a fonte]Sobre o estilo, o escritor Urbano Tavares Rodrigues di dela que "é dun rigor, dunha orixinalidade tais que a troca dunha simples palabra na maioría das súas frases apagaría intencións. Ese estilo acutilante, irónico, persoalísimo, todo ele nervo e creación, bastaría para impor decisivamente Fernanda Botelho".[3]
O poeta Jorge de Sena afirmou que a súa escrita era "[...] árida, sarcástica, anti-lírica [...] vivendo a súa lucidez na desagregación e pola desagregación dunha desasombrada e cínica visión que usa insolitamente as palabras e os símbolos".[4]
A súa obra narrativa dunha sutileza e axilidade pouco comúns destaca polo dominio do diálogo. Revela unha observación aguda da sociedade portuguesa; os personaxes móvense dentro dunha ética burguesa sen complexos, cos ideais e desencantos dunha xeración de posguerra.[5]
Premios
[editar | editar a fonte]- 1961: Premio Castelo Branco, grazas á obra A Gata e a Fábula.
- 1971: Prémio Nacional de Novelística por Lourenço é Nome de Jogral.
- 1987: Prémio da Crítica por Esta Noite Sonhei com Brueghe.
- 1990: Prémio Eça de Queiroz por Festa em Casa de Flores.
- 1995: Prémio P.E.N. Clube Português de Novelística por Dramaticamente vestida de negro
- Grau de Grande Oficial da Ordem do Mérito
- Grau da Ordem de Leopoldo I (Bélxica)
- Medalha de Tradução pola Direção-Geral das Relações Culturais de Itália
Véxase tamén
[editar | editar a fonte]Ligazóns externas
[editar | editar a fonte]- Información sobre Fernanda Botelho (en portugués)
- Noticia da morte da escritora no xornal Público (en portugués)
- ↑ "Fernanda Botelho. Wook". www.wook.pt (en portugués). Consultado o 2020-04-04.
- ↑ Portugal, Rádio e Televisão de. "Investigação sobre escritora Fernanda Botelho tem em vista reedição da obra e Casa-Museu". Investigação sobre escritora Fernanda Botelho tem em vista reedição da obra e Casa-Museu (en portugués). Consultado o 2020-04-04.
- ↑ "Teresa Veiga "a nossa Elena Ferrante"". mybooksnews.com (en portugués). Arquivado dende o orixinal o 29 de maio de 2020. Consultado o 2020-04-04.
- ↑ "Biografia". livro.dglab.gov.pt (en portugués). Consultado o 2020-04-04.
- ↑ "Fernanda Botelho". www.epdlp.com (en castelán). Consultado o 2020-04-04.