Feijoada

Feijoada
Feijoada con diversos acompañamentos: arroz, mandioca frita, torresmo, laranxa, caipirinha, entre outros.
Nome	Feijoada
Tipo	Estufado
Lugar de orixe	Portugal, Brasil
Ingredientes	Feixóns, tenreira, carne de porco

A feijoada é un dos pratos da gastronomía portuguesa e brasileira. Os seus ingredientes básicos son o arroz, o feixón e a carne de porco.

No Brasil, os días tradicionais da feijoada son o mércores e o sábado. Neses días, os restaurantes serven feijoada nos seus menús, e algunhas familias e grupos de amigos preparan "feijoadas" en reunións familiares. É un prato de preparación relativamente barato, sendo consumida por todas as clases sociais.

Historia

Os portugueses levaron receitas para o Brasil, algunhas cos seguintes ingredientes : orella, fociño, rabo e lingua de porco. No libro “História da Alimentação no Brasil”, o Luís da Câmara Cascudo escribe sobre as orixes da "Feijoada".

Segundo a escritora e xornalista Eda Romio, "uma primitiva feijoada começou a ser feita nas senzalas a partir de 1549 com a chegada dos primeiros escravos oriundos da África".

Receita

Ingredientes

• 1 kg de feixón preto
• ½ kg de carne de porco salgada
• ½ kg de carne-seca
• 1 pé, 1 orella e 1 fociño de porco salgados (estes ingredientes son opcionais)
• 1 rabiño
• ½ kg de carne bovina (punta de agulla ou brazo)
• ½ kg de longaínza
• 1 óso de xamón
• 1 paio
• 100 g de touciño afumado ("bacon afumado")
• ½ kg de lombo de porco fresco (ou costeletas de porco)
• cebola
• aceite
• 5 follas de loureiro
• allo
• cheiro-verde
• col
• mollo carioca
• laranxas doces

Modo de preparación

1. Na véspera, colocar o mollo: o medio quilo de carne de porco salgada, o medio quilo de carne-seca, o pé, a orella e o fociño de porco salgados.
2. No día seguinte, de mañá, pegue o quilo de feixón preto e léveo ao fogo nunha pota con bastante auga.
3. Noutra pota, ferva os ingredientes que deixou o mollo.
4. Unha hora despois que os feixóns xa estiveren no lume, xunte os ingredientes fervidos e acrecente os seguintes: o medio quilo de carne bovina, o medio quilo de longaínza, o óso de xamón, o paio, os 100 gramos de bacon, as costeletas de porco (ou o medio quilo de lombo de porco fresco).
5. Cando todo xa estiver cocido, xunte o refogado feito á parte con cebola picadiña, unha culler (sopa) de aceite, allo pisado e cheiro-verde.
6. Probe se está bo de sal e deixe ferver, até que todo fique ben cocido, en fogo brando, para non pegar no fondo da pota.
7. Na hora de servir, tire todos os ingredientes, colóqueos nunha travesa, colocándoos con xeito (O feixón será levado á mesa nunha cazola de barro).
8. Sirva xunto o mollo carioca e laranxas doces, picadas e salpicadas de sal fino.
9. Servir con coliflor frita en allo e aceite, e arroz. Tamén pode ser servida con fariña de mandioca, torresmo, mandioca frita, entre outros. Pode ser condimentada con pementa a gusto (á mesa, por cada un dos convidados).