Federico Krutwig

Federico Krutwig

Biografía
Nacemento	15 de maio de 1921 Getxo, España
Morte	15 de novembro de 1998 (77 anos) Bilbao, España
Datos persoais
País de nacionalidade	España
Ideoloxía política	Anarquismo e Nacionalismo vasco
Actividade
Ocupación	escritor , político , académico
Membro de	Euskaltzaindia Euskadi Ta Askatasuna
Pseudónimo literario	Fernando Sarrailh de Ihartza Heiko Sagredo de Ihartza
Lingua	Lingua alemá, lingua éuscara, lingua grega, lingua castelá, lingua francesa e lingua portuguesa
Obra
Obras destacables (1962) Vasconia: Estudio dialéctico de una nacionalidad (en)

Federico Krutwig, nado en Getxo o 15 de maio de 1921 e finado en Bilbao o 15 de novembro de 1998, foi un escritor e político vasco.

Traxectoria

De pai alemán e nai vasca de orixe veneciana aprendeu éuscaro na adolescencia de forma autodidacta. En 1943 ingresou na Euskaltzaindia (Academia da Lingua Vasca). Partidario de normalización do éuscaro a partir do labortano por ser o dialecto máis usado na literatura.

En 1952 no discurso de contestación á entrada de Luis Villasante pronunciouse contra a actitude da igrexa coa lingua vasca e días despois tivo que deixar España pasando a Iparralde onde contactou co movemento Jagi. Influído pola revolta alxeriana en 1963 publicou o libro Vasconia baixo o sobrenome de Fernando Sarrailh de Ihartza,, onde cuestiona algúns aspectos do nacionalismo tradicional de Sabino Arana, propoñendo un novo nacionalismo vasco nunha Euskadi que comprendería o territorio entre o Ebro e o Garona e móstrase a favor da loita armada contra España.

Colaborou con EGI e en 1964 Francia expúlsao e instálase en Bruxelas relacionándose con membros de ETA e elaborando informes para a V Asemblea desa organización. Considerado o seu primeiro ideólogo, non obstante abandonou ETA en 1975 e estableceuse en Zarauz, dedicándose en exclusiva á produción literaria.

Véxase tamén

Ligazóns externas

• Catálogo exhaustivo das obras de Federico Krutwig