Familia ensamblada

Na Galipedia, a Wikipedia en galego.

Unha familia reconstituída é unha familia na cal un ou ambos os membros da actual parella ten un ou varios fillos de unións anteriores. Dentro desta categoría entran tanto as segundas parellas de viúvos como de divorciados e de nais solteiras. Cando comezaron as investigacións sobre o tema, despois da segunda guerra mundial, a maior parte destes casos conformábanos os viúvos de guerra. Na actualidade o groso das familias reconstituídas do mundo occidental constitúeno os divorciados con fillos que volven formar parella.[1]

As estatísticas sobre a cantidade destas familias son variables, xa que moitos cómputos toman en conta só unións legais daqueles que teñen dous ou máis matrimonios. Estes números non contemplan nin os fillos de nais solteiras nin as segundas unións de feito que non foron legalizadas, o cal é frecuente polo menos en Latinoamérica. Stepfathers of America, unha organización que agrupa nos EE. UU. segundas parellas con fillos, calcula que dentro de 10 anos esta será a forma máis común de organización familiar nos EE.UU.

En Europa a taxa media de divorcios é do 30% dos matrimonios (sendo máis alta nos países escandinavos e máis baixa en España e Francia) e en EE.UU. chega ao 50% do total deles. Tanto europeos como estadounidenses coinciden na porcentaxe de novas unións: o 75% das mulleres e o 80% dos homes téntano novamente.

O termo «familia ensamblada» foi creado en Arxentina tras a entrada en vigor da lei de divorcio (1987) xa que este grupo humano demograficamente, que é cada vez máis significativo,[2] constituía con todo un caso concreto de cambio social non recoñecido no institucional en moitos países. Polo xeral, os sistemas legais mundiais non lograron ampliar o seu concepto de familia para incluír así as familias ensambladas, a pesar de que as investigacións poboacionais sinalan a continuidade do incremento deste tipo de familias. Con todo, os dereitos e obrigacións legais con respecto á familia do primeiro matrimonio, aínda que sexa breve, non se estenden polo xeral á familia do segundo matrimonio, aínda que perdure por máis tempo e sexa estable.

Notas[editar | editar a fonte]

  1. Agba, Asociación Gestálticade Buenos Aires. "Familias Ensambladas". Consultado o 18 de novembro de 2010.  |url-arquivo= ten un formato incorrecto: data (Axuda)
  2. Street, María Constanza. "Metodología para la identificación de las familias ensambladas. El caso de Argentina" (PDF). CEPAL Notas de Población Nº 82. Consultado o 18 de novembro de 2010. 

Véxase tamén[editar | editar a fonte]

Outros artigos[editar | editar a fonte]