Eustaquio II de Boulogne

Eustaquio II de Boulogne
	;
Biografía
Nacemento	Ducado de Lorena, Reino de Francia
Morte	c. 1087
Actividade
Ocupación	feudatario
Outro
Título	Count of Lens (en) (1054–1087); Count of Boulogne (en) (1047–1087)
Familia	Casa de Flandres
Cónxuxe	Ida de Lorena (1057 (Gregoriano)–); Goda of England (1036 (Gregoriano)–)
Parella	NN (en)
Fillos	Godofredo de Bouillon; () Ida de Lorena; Ida; () Ida de Lorena; Balduíno I de Xerusalén; () Ida de Lorena; Eustaquio III de Boulogne; () Ida de Lorena; Godefroy de Boulogne, Lord of Carshalton (en) ; () NN (en)
Pais	Eustaquio I de Boulogne e Matilda of Louvain (en)
Irmáns	Lambert II, Count of Lens (en) , Gerberga van Boulogne (pt) e Geoffroy de Boulogne (pt)

Eustaquio II de Bologne (en francés Eustache II^e de Boulogne), coñecido tamén como Eustace aux Gernons (Eustaquio con bigotes), nado entre 1015 e 1020 no Ducado de Lorena (Reino de Francia), e finado contra 1087, foi un nobre francés.^[1]^[2]^[3]

Traxectoria[editar | editar a fonte]

Fillo de Eustaquio I e Matilde de Lovaina, ao morrer seu pai, herdou o condado de Boulogne, mentres que seu irmán Lamberto herdou o de Lens. Sempre viviu en busca de aliados poderosos para evitar que o seu veciño, o conde Balduíno V de Flandres, anexionara o seu condado, que era próspero por acharse na ruta comercial entre Francia e Inglaterra.

Contra 1036 casou con Goda de Inglaterra, irmá de Eduardo o Confesor, matrimonio que lle permitiu establecer unha alianza coa monarquía inglesa.^[4] Viúvo de Goda (1047), Eustaquio casou en 1049 con Ida de Lorena.^[3]

Eustaquio II de Boulogne foi un dos compañeiros de Guillerme o Conquistador na batalla de Hastings, polo que recibiu grandes posesións en Inglaterra. Gran personaxe, os seus dominios estendíanse no que hoxe é Pas-de-Calais. Foi o primeiro conde de Boulogne en acuñar moeda.

En 1048 uniuse ao seu sogro contra o emperador Henrique III. Ao ano seguinte, o papa León IX excomungouno por casar dentro do grao prohibido de consanguinidade.^[5]

En 1051 Eustaquio visitou Inglaterra e foi recibido con honor na corte de Eduardo o Confesor, o seu excuñado, co que continuaban sendo aliado. Pero, por outra parte, Godwin de Wessex, a figura dominante na Inglaterra da época, casara ao seu fillo Tostig con Judit de Flandres. Máis aínda, Sven, outro fillo de Godwin, mantiña unha disputa co fillastro de Eustaquio, Raúl o Tímido. Unha pelexa na que estiveron implicados cabaleiros de Eustaquio e cidadáns de Dover derivou nun grave conflito entre o rei e Godwin. Este último, en cuxa xurisdición estaba Dover, negouse a castigar aos habitantes, polo que o rei desterrouno cos seus fillos en setembro de 1051. Poren, Godwin regresou e desembarcou ao ano seguinte á fronte de tropas flamengas e, pola forza, obtivo de Eduardo a devolución das súas terras.

Descendencia[editar | editar a fonte]

Non tivo fillos da súa primeira unión con Goda de Inglaterra (ou Godjifu). Do seu matrimonio con Ida de Lorena naceron:

Eustaquio III (1056-1125), conde de Boulogne.
Godofredo de Bouillon (1058-1099), duque da Baixa Lorena e máis tarde defensor do Santo Sepulcro.
Balduíno (1065-1118), conde de Edesa e máis tarde rei de Xerusalén.

Notas[editar | editar a fonte]

↑ Tanner, Heather. "The Expansion of the Power and Influence of the Counts of Boulogne under Eustace II". Anglo-Norman Studies 14: 251-277.
↑ "NORTHERN FRANCE, NOBILITY". Consultado o 8 de agoto de 2021. NORTHERN FRANCE, NOBILITY presenta un rango de datas tanto para o seu nacemento como para o seu pasamento. A Encyclopædia Britannica 9ª Ed. apoia 1087 como ano da morte. Isto entra en conflito coa fonte anterior e con Holböck, Ferdinand (2002). Married Saints and Blesseds. Ignatius Press. p. 147. ISBN 0-8987-0843-5. e Duby, Georges (1996). Love and Marriage in the Middle Ages. University of Chicago Press. p. 40. ISBN 0-2261-6774-7.
↑ ^3,0 ^3,1 Heather J. Tanner, "Eustace (II), count of Boulogne (d. c.1087)", Oxford Dictionary of National Biography, Oxford University Press, 2004.
↑ Vitalis, Ordericus (1854). The Ecclesiastical History of England and Normandy, Vol II. Londres: H. G. Bohn. p. 12.
↑ Eustaquio e Ida descendían de Luís II de Francia e eran parentes en sétimo grado. Porén, ao non coñecerse a súa ascendencia completa, é posíbel que houbera unha relación máis próxima. É probábel que o papa, que fora elixido polo emperador, actuara en beneficio de Henrique. En Tanner, H., p. 263.

Véxase tamén[editar | editar a fonte]

Bibliografía[editar | editar a fonte]

Bridgeford, Andrew (1999). "Was Count Eustace II of Boulogne the patron of the Bayeux Tapestry?". Journal of Medieval History 25: 155–185.
Bridgeford, Andrew (2004). "Whose Tapestry is it Anyway?". History Today 54.
Bridgeford, Andrew (2005). 1066: The Hidden History in the Bayeux Tapestry. Walker & Company. ISBN 1-8411-5040-1.

[1] Tanner, Heather. "The Expansion of the Power and Influence of the Counts of Boulogne under Eustace II". Anglo-Norman Studies 14: 251-277.

[2] "NORTHERN FRANCE, NOBILITY". Consultado o 8 de agoto de 2021. NORTHERN FRANCE, NOBILITY presenta un rango de datas tanto para o seu nacemento como para o seu pasamento. A Encyclopædia Britannica 9ª Ed. apoia 1087 como ano da morte. Isto entra en conflito coa fonte anterior e con Holböck, Ferdinand (2002). Married Saints and Blesseds. Ignatius Press. p. 147. ISBN 0-8987-0843-5. e Duby, Georges (1996). Love and Marriage in the Middle Ages. University of Chicago Press. p. 40. ISBN 0-2261-6774-7.

[ODNB-3] 3,0 ^3,1 Heather J. Tanner, "Eustace (II), count of Boulogne (d. c.1087)", Oxford Dictionary of National Biography, Oxford University Press, 2004.

[4] Vitalis, Ordericus (1854). The Ecclesiastical History of England and Normandy, Vol II. Londres: H. G. Bohn. p. 12.

[5] Eustaquio e Ida descendían de Luís II de Francia e eran parentes en sétimo grado. Porén, ao non coñecerse a súa ascendencia completa, é posíbel que houbera unha relación máis próxima. É probábel que o papa, que fora elixido polo emperador, actuara en beneficio de Henrique. En Tanner, H., p. 263.

[1]

[2]

[3]

[4]

[5]