Eumelo (mitoloxía)

Angelica Kauffmann: A morte de Alcestis (Tod des Alkestis, 1790).

Eumelo, na mitoloxía grega, foi rei de Feras, fillo de Admeto e de Alcestis. Participou na guerra de Troia ao mando de once naves. Tivo un papel destacado nos xogos en honra de Patroclo, nos que participou na carreira de carros, e contaba cunhas eguas que foran criadas por Apolo. Marchaba en primeiro lugar, pero a deusa Atenea provocou a súa caída, así que chegou o último. A pesar diso, Aquiles quería concederlle o segundo premio, pero máis tarde rectificou e concedeulle outro especial: a armadura do troiano Asteropeo.

Considerábase a Eumelo entre os que se esconderan no cabalo de Troia.