Henry Woodward
.png)  | |
| Biografía | |
|---|---|
| Nacemento | 24 de novembro de 1832 Norwich |
| Morte | 6 de setembro de 1921 (88 anos) Bushey (en)  |
| Presidente da Sociedade Geológica de Londres (pt) | |
| 1894 – 1896 ← Wilfred Hudleston Hudleston (pt) – Henry Hicks → | |
| Datos persoais | |
| País de nacionalidade | Reino Unido de Gran Bretaña e Irlanda |
| Educación | Norwich School (en) |
| Actividade | |
| Campo de traballo | Xeoloxía e paleontoloxía |
| Ocupación | paleontólogo , xeólogo , bibliotecario |
| Empregador | Museo de Historia Natural de Londres Museo Británico |
| Membro de | |
| Lingua | Lingua inglesa |
| Obra | |
| Abreviatura do autor en zooloxía | Woodward |
| Familia | |
| Fillos | Alice B. Woodward (pt) , Ellen Caroline Woodward, Gertrude Mary Woodward (en) , Henry Page Woodward (en) , Martin Fountain Woodward |
| Pai | Samuel Woodward (pt) |
| Irmáns | Samuel Pickworth Woodward (pt) e Bernard Bolingbroke Woodward (pt) |
Premios | |
 | |
Henry Bolingbroke Woodward, nado o 24 de novembro de 1832 en Norwich, condado de Norfolk, Inglaterra, e finado o 6 de setembro de 1921, foi un xeólogo e paleontólogo inglés, coñecido polas súas investigacións sobre os fósiles de crustáceos e outros artrópodos.[1]
Traxectoria[editar | editar a fonte]
Woodward naceu en Norwich, Inglaterra, o 24 de novembro de 1832 e fixo os seus primeiros estudos nunha escola da súa cidade natal.[1]
Era fillo do xeólogo e anticuario Samuel Woodward (1790-1838),[1] e irmán de Bernard Bolingbroke Woodward (1816-1869) e de Samuel Pickworth Woodward (1821-1865), e tío de Horace Bolingbroke Woodward (1848-1914), todos eles tamén xeólogos.
En 1868 foi asistente no departamento de xeoloxía do Museo Británico e, en 1880, encargado dese departamento. En 1873 foi elixido membro da Royal Society. En 1878 recibiu o título de LL. D. (doutor superior) na universidade de St Andrews. Foi presidente da Sociedadde Xeolóxica de Londres desde 1894 até 1896.[1]
Woodward foi presidente da Asociación de Xeólogos nos anos 1873 e 1874, presidente da Malacological Society de 1893 a 1895, presidente da Museums Association no ano 1900,[2] e presidente da Palaeontographical Society desde 1895, cando faleceu o que era o seu presidente daquela, T. H. Huxley, até a súa propia morte en 1921.
Foi o editor do Geological Magazine desde que comezou a publicarse en 1864, e editor único desde xullo de 1865 até o fin do ano 1918.[1]
A colección de cunchas de Woodward, os seus manuscritos e os seus moldes de vertebrados fósiles encóntranse nos arquivos do Museo de Zooloxía da universidade de Cambridge.
Obras[editar | editar a fonte]
As súas obras máis recoñecidas son:
- Monograph of the British Fossil Crustacea, Order Merostomata (1866-1878).
- A Monograph of Carboniferous Trilobites (1883-1884).
Ademais destas monografías publicou moitas outras. Publicou tamén numerosos artigos en diferentes revistas científicas.
Recoñecementos[editar | editar a fonte]
- En 1884 foi galardoado coa Medalla Murchison.
- En 1096 recibiu a medalla Wollaston da Sociedade Xeológica de Londres.[3]
Abreviatura[editar | editar a fonte]
A abreviatura Woodward emprégase para recoñecer a Henry Woodward como autoridade na descrición e taxonomía en zooloxía.
Notas[editar | editar a fonte]
- ↑ 1,0 1,1 1,2 1,3 1,4 Obituario en Geological magazine. Consultado o 4 de decembro de 2016.
- ↑ "WOODWARD, Henry". Who's Who. Vol. 59. 1907. p. 1932.
- ↑ "Award Winners Since 1831". Consultado o 4 de decembro de 2016.
