Balanza comercial
A balanza comercial é o rexistro das importacións e exportacións dun país durante un período. O saldo da mesma é a diferenza entre exportacións e importacións. As importacións son as compras que os cidadáns, as empresas ou o goberno dun país fan de bens e servizos que se producen noutros países e que se traen desde esoutros países. As exportacións son os bens e servizos que se producen no país e que se venden e envían a clientes doutros países.
Tipos[editar | editar a fonte]
Hai dous tipos:
- Positiva: Cando o valor das compras é menor que o das vendas. (Vendes máis que compras)
- Negativa: Cando o valor das vendas é menor que o das compras. (Compras e non vendes todo)
Saldo Balanza comercial = Exportacións - Importacións
O saldo da balanza comercial defínese como a diferenza que existe entre o total das exportacións menos o total das importacións que o levan a cabo no país. É a diferenza entre os bens que un país vende ao exterior e os que compra a outros países.
Esta diferenza, segundo cales sexan as importacións e as exportacións nun momento determinado, podería ser positiva (superávit comercial) ou negativa (déficit comercial). Hai déficit comercial cando a cantidade de bens e servizos que un país exporta é menor que a cantidade de bens que importa. Pola contra, un superávit comercial implica que a cantidade de bens e servizos que un país exporta é maior á cantidade de bens que importa.
