Galicia es una mierda

Ficheiro:Galiciamierda.jpg

portada

Galicia es una mierda é un disco do grupo Ataque Escampe, publicado no 2008. Ademais de estar dispoñible en formato cd, pódese descargar en mp3 de balde na páxina do selo.

Ademais dos cinco membros da banda no momento da gravación (Roi Vidal: percusións, kazoo, labios, lixas, harmónica, coros e recitados; Marco Gelpi: acordeón, cuncas tibetás, trompeta, guitarra acústica, trombón de serie B e coros; Samuel Solleiro: violín, guitarras, teclas, coros, asubíos e recitados; Miguel Mosqueira: guitarras acústicas, baixo, teclas, tubulares, xilófono, coros e voz; e Álex Charlón: voz), tamén participaron outros músicos: Xoel Méndez (banjo e cuatro), Paku Granja (voces), Juan José Carbonell (bongós), Iván Pantín (tuba), Xosé Lois García (piano, caixa e xilófono), Borxa Ínsua (serrucho), Andrea Zayas, da banda Sacha na Horta, (voz), Brais Ríos, tamén de Sacha na Horta, (acordeón), e Xoán Xosé Cruz, de Qronopios, (clarinete).

O disco rematouse de gravar o 31 de decembro de 2007. O técnico de son foi Yago Pico, e foi masterizado por Noel Feáns.

Lista de cancións

1. "Akira Toriyama"
2. "A granxa de Alexandre"
3. "Nadina"
4. "A banda desdenhada (entre o Leo e o mamoneo)"
5. "Serafín"
6. "I´m not your man"
7. "Canción para pechar o Ruta"
8. "Quero ser o malo da película"
9. "Vista Alegre"
10. "Arredor da cuestión nacional"
11. "Galicia es una mierda"
12. "O longo adeus"
13. "Tres cantos a Lenin"
14. "Invención da pólvora" (Bonus track)

Véxase tamén

Ligazóns externas

• páxina do selo
• videoclip de "Serafín" dirixido por Ramiro Ledo Cordeiro
• reseña do disco en www.sono-tone.net escrita por Mario Regueira