Emilia-Romaña

Igrexa barroca de San Giorgio en Reggio Emilia (Emilia-Romagna).

A Emilia-Romaña (en italiano Emilia-Romagna) é unha rexión da Italia septentrional de 4,2 millóns de habitantes, con capital en Bologna. Limita ao leste co mar Adriático, ao norte co Véneto e a Lombardía, ao oeste co Piemonte e a Liguria, ao sur coa Toscana, as Marcas e a República de San Marino. A rexión é composta por dúas rexións históricas: a Emilia, que comprende as provincias de Piacenza, Parma, Reggio, Modena, Ferrara e boa parte da provincia de Bologna, coa súa capital, e a Romaña (Romagna), coas provincias de Ravenna, Rimini e Forlì, así como Cesena e a parte oriental da pronvincia de Bologna (Imola e zonas limítrofes). A Romaña histórica comprende pequenos territorios nas Marcas e na Toscana. As áreas que constitúen a rexión actual están poboadas dende tempos remotos, como así o indican varios achádegos: o caso máis famoso é o sito en Monte Poggiolo, onde foron encontrados importantes restos arqueolóxicos, cunha antigüidade estimada de 800.000 anos, desmostra que a zona xa estaba habitada no paleolítico.

Historia

A identidade romaña sempre foi máis forte que a emilia. A partir do ano 568 (ano no que chegaron os longobardos á chaira padana) até 1869, o territorio da actual Emilia foi chamado Lombardía (ou Longobardía, en contraposición á Romanìa, a actual Romaña). Os seus habitantes eran definidos como lombardos. Esta definición foi imposta polos longobardos despois de invadir parte do territorio da rexión romana composta polas cidades de Forum Livii (Forlì), Forum Cornelii (Imola), Faventia (Faenza), Bononia (Bologna), Mutina (Módena) e Regium (Reggio Emilia). No momento da invasión franco-piemontesa, para evitar a constitución dun bloco lombardo demasiado potente, a dinastía dos Savoia creou ex nihilo o concepto de "Emilia". Isto supuxo o cambio de moitos topónimos. Por exemplo, Reggio Emilia, antes da unidade de Italia, era chamada simplemente Reggio ou Reggio di Lombardía.

Antigos Estados da rexión

As principais entidades estatais históricas que caracterizaron o territorio da rexión son o Ducado de Parma e Piacenza, o Ducado de Modena e Reggio e o Ducado de Ferrara. A Romaña formou parte, durante doce séculos do Estado Pontificio, mentres Bologna foi durante algúns periodos cidade de fronteira entre Longobardía e Romanìa.

Demografía

As principais cidades da rexión son:

Cidade	Poboación (2006)
Bologna	373,743
Modena	180,469
Parma	175,789
Reggio Emilia	157,388
Ravenna	149,084
Rimini	135,682
Ferrara	132,471
Forlì	112,477
Piacenza	99,340
Cesena	93,857
Imola	66,340
Carpi	64,517
Faenza	54,749

Universidades

Na rexión están presentes catro universidades, todas na Emilia:

• Universidade de Bologna: a máis grande da rexión e unha das principais de Italia. É a máis antiga universidade do mundo occidental e é alcumada "La Dotta". Ten case 100.000 estudantes.
• Universidade de Parma: universidade cunha historia secular, acolle moitos estudiantes, sobretodo da provincia da Spezzia, ten case 30.000 estudantes.
• Universidade de Modena-Reggio Emilia: está dividida en dúas sedes (á sede histórica modenesa, foi engadida a de Reggio).
• Universidade de Ferrara: universidade fundada polo marqués Alberto V de Este por concesión do Papa Bonifacio IX, ten case 20.000 estudantes.

En todas as outras capitais están presentes sedes destacadas con facultades autónomas, como por exemplo as sedes da Universidade de Bologna presentes en Romaña (Forlì, Cesena, Ravenna e Rimini), da Universidade Católita de Milán e do Politécnico de Milán en Piacenza. In tutti gli altri capoluoghi sono presenti sedi distaccate con facoltà autonome, come ad esempio le succursali dell'Università di Bologna presenti in Romagna (Forlì, Cesena, Ravenna e Rimini), dell'Università Cattolica di Milano e del Politecnico di Milano (Piacenza).

Economía

Entrada da factoría de Ferrari en Maranello, perto de Modena

Na Emilia-Romagna a economía está moi desenvolvida. As típicas industrias son propiedades familiares en forma de pequenas e medias empresas, non existen grandes grupos multinacionais a parte dos alimentares e automobilísticos. Pola contra, conta con multitude de cooperativas, sobretodo na zona de Reggio Emilia e Modena. No sector primario, a rexión conta cun forte desenvolvimento en toda a parte da chaira padana e na Romagna. O sector secundario é sen dúbida o máis desenvolvido: nas áreas que van de Bologna a Reggio Emilia hai unha altísima tasa de industrias mecánicas e textis. Son coñecidos en todo o mundo os vehículos producidos na área de Modena: Ducati, Ferrari, Lamborghini e Maserati. Na zona de Parma está máis desenvolvida a industria alimentar (Parma foi eleita sede da Autoridade Europea para a Seguridade dos Alimentos, a EFSA (European Food Safety Authority). En Ravena predomina a industria química e ten o maior porto do mar Adriático. O sector terciario tamén está bastante desenvolvido. A ribeira romañola é centro de atracción turística, tanto no verán (pola ampla oferta hostaleira), como noutras épocas do ano polos numerosos locais para ocio xuvenil. O turismo é predominantemente nacional, así como alemán e holandés. Tamén ten moita importancia o turismo cultural nas cidades con maior capital artístico. A rexión é un importante nodo comercial do país, contando cunha importante rede de infraestructuras tanto viarias como ferroviarias. A Emilia-Romagan é unha das rexións máis ricas de Italia e Europa e é exerce unha importante atracción como punto de inmigración.