Incendio de Copenhaguen de 1728

Zona afectada polo lume, en amarelo.

O Incendio de Copenhaguen de 1728 foi o maior incendio na historia de Copenhaguen, capital de Dinamarca. Comezou na tarde do 20 de outubro de 1728 e continuou ata a mañá do 23 de outubro.

Historia

Destruíu aproximadamente o 28% da cidade. Tomando como referencia o número de parcelas destruídas segundo o catastro, deixou o 20% da poboación sen fogar, e a reconstrución non concluíu até 1737. Non menos do 47% da cidade, a cal databa da Idade Media, perdeuse completamente, e xunto co incendio de Copenhaguen de 1795, é a principal razón pola que existen poucos vestixios da Copenhaguen medieval na actualidade.

Aínda que o número de mortos e feridos foi relativamente baixo en relación á magnitude do incendio, as perdas culturais foron substanciais. Ademais de varias coleccións privadas de libros, perdéronse 35.000 textos, incluíndo un gran número de obras únicas na súa clase, como consecuencia do lume na biblioteca da Universidade de Copenhaguen. Así mesmo, no observatorio localizado no último piso da Rundetårn (en galego, Torre redonda) algúns instrumentos e documentos de Tycho Brahe e Ole Rømer foron destruídos.

Véxase tamén

Bibliografía

• LAURING, Kåre. Byen brænder - den store brand i København 1728. Editorial Gyldendal, 2003 ISBN 87-02-01895-0