Frank País: Diferenzas entre revisións
Creada como tradución da páxina "Frank País" |
mSen resumo de edición |
||
Liña 1: | Liña 1: | ||
{{Biografía|ocupación=[[Reforma universitaria|Reformista]]<br>[[Maestro]]<br>[[Activista]]}}{{En tradución}} |
|||
'''Frank Isaac País García''', ou "Paris", nado en [[Santiago de Cuba]] o [[7 de decembro]] de [[1934]] e morto na mesma cidade o [[30]] de xullo de [[1957]], foi un dirixente estudantil reformista, mestre e revolucionario [[Cuba|cubano]], de orixe galega, que loitou contra a ditadura de [[Fulgencio Batista]] integrando o [[Movemento do 26 de xullo|Movemento 26 de Xullo.]] O seu asasinato pola policía nas rúas de Santiago de Cuba o 30 de xullo de 1957, cando contaba con 22 anos, desencadeou una vaga de protestas en todo o país e constituíu un acontecemento decisivo paira impulsar a [[Revolución Cubana|Revolución cubana.]] Está considerado en Cuba un [[mártir]] da revolución.<ref name="autogenerated1">[https://web.archive.org/web/20080617045109/http://www.cmkc.co.cu/2004/Historia/h34.htm ''En el recuerdo eterno, Frank País García'', por Dania Sánchez Parra, CMKC]</ref> |
|||
== Traxectoria == |
== Traxectoria == |
Revisión como estaba o 2 de xaneiro de 2019 ás 19:46
Biografía | |
---|---|
Nacemento | 7 de decembro de 1934 Santiago de Cuba |
Morte | 30 de xullo de 1957 (22 anos) Santiago de Cuba |
Causa da morte | Homicidio (Ferida por arma de fogo ) |
Lugar de sepultura | Cemiterio de Santa Ifigenia |
Datos persoais | |
País de nacionalidade | República de Cuba (pt) |
Actividade | |
Ocupación | Reformista Maestro Activista |
Familia | |
Irmáns | Josué País |
Lista
|
Este artigo está a ser traducido ao galego por un usuario desta Wikipedia; por favor, non o edite. O usuario Xanetas (conversa · contribucións) realizou a última edición na páxina hai 5 anos. Se o usuario non publica a tradución nun prazo de trinta días, procederase ó seu borrado rápido. |
Frank Isaac País García, ou "Paris", nado en Santiago de Cuba o 7 de decembro de 1934 e morto na mesma cidade o 30 de xullo de 1957, foi un dirixente estudantil reformista, mestre e revolucionario cubano, de orixe galega, que loitou contra a ditadura de Fulgencio Batista integrando o Movemento 26 de Xullo. O seu asasinato pola policía nas rúas de Santiago de Cuba o 30 de xullo de 1957, cando contaba con 22 anos, desencadeou una vaga de protestas en todo o país e constituíu un acontecemento decisivo paira impulsar a Revolución cubana. Está considerado en Cuba un mártir da revolución.[1]
Traxectoria
Frank País naceu o 7 de decembro de 1934, en Santiago de Cuba. Os seu pais eran Francisco País Pesqueira, un pastor protestante, e Rosario García Calviño, ambos de Marín, Pontevedra, que emigraran a Cuba. Francisco País Pesqueira figura como primeiro converso e bautizado da Igrexa Evangélica de Marín e foi un dos membros fundadores da primeira Igrexa Bautista de Santiago de Cuba.[2]
Ao morrer seu pai, súa nai fíxose cargo, en solitario, del, que contaba 5 anos de idade, e dos seus irmáns Agustín de 3 anos e Josué de 2. Deixou os seus estudos de arquitectura para ingresar á Escola Normal de Mestres de Oriente onde se graduou o 6 de xullo de 1953.
Destacouse como dirixente estudantil, foi un dos principais xefes da Asociación de Estudantes, e partidario do movemento latinoamericano de Reforma Universitaria, integrando o Bloque Revolucionario Estudantil Normalista (BREN), constituíndo a Federación Local de Centros de Segundo Ensino e participando no Directorio Estudantil Revolucionario. En 1952, cando se produciu o golpe de estado que levou a Fulgencio Batista ao poder, concorreu con outros mozos ao Cuartel Moncada para pedir armas co fin de defender ao goberno democrático de Carlos Prío Socarrás.[3]
Comezou a traballar como mestre en 1954 no Colexio do Salvador, onde se destacou pola paixón con que difundía as ideas nacionalistas, democráticas e cristiás, especialmente o pensamento e a obra de José Martí, mostrando unha aparente contradición entre a relixiosidade que profesaba e os ideais revolucionarios que se soluciona na redución á súa crenza no home e no futuro así como o seu desexo de conseguir unha sociedade mellor sen abandonar as súas crenzas cristiás.[4] Creou o Centro La Flor Martiana e puxo en práctica a República Escolar, baseada en conceptos de democratización da escola e participación dos estudantes.
O 10 de marzo de 1952 acudiu, xunto con outros estudantes, ao Cuartel Moncada, en resposta á asonada batistiana que conduciu á ditadura de Fulgencio Batista. Este feito supuxo o punto de inflexión que o convertería nun loitador pola liberdade e contra a ditadura batistiana.
Revolución cubana
En 1954, Frank País, Pepito Tey e outros mozos do Oriente cubano crearon Acción Revolucionaria Oriental (ARO) co fin de organizar a loita armada contra a tiranía de Batista. Poucos meses despois cambian o nome da organización por Acción Nacional Revolucionaria (ANR). En 1955, cando Fidel Castro, recentemente amnistiado, e o grupo que asaltara o Cuartel Moncada formaron o Movemento 26 de Xullo, Frank País solicitou e obtivo o ingreso dos membros do ANR ao M-26-7. O seu paso á clandestinidade realizouno co pseudónimo de David.
Inicialmente País integrou a dirección do M-26-7 en Oriente, e en 1956 foi designado Xefe de Acción e Sabotaxe do M-26-7 en todo o país. O 30 de novembro de 1956 dirixiu o levantamento armado en Santiago de Cuba en apoio ao desembarco do iate Granma desde o que haberían de desembarcar Fidel Castro e un grupo de guerrilleiros co fin de instalarse en Sierra Maestra.
O 9 de marzo de 1957 foi detido e xulgado xunto aos superviventes do Granma e os combatentes do levantamento do 30 de novembro, sendo absolto en maio de 1957, no medio dunha gran axitación popular. Dende ese momento foi un dos principais organizadores do apoio á guerrilla de Sierra Mestra e a extensión da insurrección a toda a illa.
O 30 de xuño de 1957 foi asasinado o seu irmán Josué País e exactamente un mes despois resultou el mesmo asasinado no Canellón do Muro de Santiago de Cuba, xunto con Raúl Pujol.
O xornalista Pedro García relata así o momento do seu asasinato:
En resposta declarouse unha folga xeral en toda Cuba e o seu enterro organizouse como un desafío á ditadura de Batista e alcanzou unha convocatoria masiva que a fixo a máis grande manifestación popular coñecida até entón por esa cidade. O corpo de País foi vestido co uniforme verde oliveira e o brazalete negro e vermello do Movemento 26 de Xullo.[5]
A mobilización do 30 de xullo de 1957 está considerada como unha das datas decisivas da Revolución cubana e a caída da ditadura de Fulgencio Batista. Ese día foi instituído en Cuba como Día dos Mártires da Revolución.
Véxase tamén
Referencias
- ↑ En el recuerdo eterno, Frank País García, por Dania Sánchez Parra, CMKC
- ↑ El pastor Gallego de la Revolución Cubana. Reportaje, Periódico Faro de Vigo. Edición 29 de julio de 2007
- ↑ Frank País: Combatiente extraordinario, por Pedro Antonio García, Revista Bohemia, 13 de julio de 2006
- ↑ Un líder Evangélico en la Revolución cubana. Autor, Antonio Monroy.
- ↑ Frank País: una figura insigne, por César Lechuga Otero, CMKC