Xurenzás, Boborás

Xurenzás
Martirio de San Sebastián, na igrexa de San Pedro de Xurenzás
Concello	Boborás
Coordenadas	42°27′52″N 8°08′33″O
Poboación	110 hab. (2007)
Entidades de poboación	7
[ editar datos en Wikidata ]

San Pedro de Xurenzás é unha parroquia do concello de Boborás na comarca do Carballiño, na provincia de Ourense. No ano 2007 tiña 110 habitantes, deles 55 eran homes e 55 eran mulleres, o que supón un incremento de 3 habitantes en relación ao ano anterior, 2006.

Unha lenda explica a orixe do nome de Xurenzás. Conta que un mouro chamado Zas se enamorou da filla doutro mouro, pero este non llela quixo dar e, para evitar que aquel a tomase, decidiu encantala. Entón, Zas, declaroulle a guerra e venceuno, facéndoo prisioneiro. Cando o vencido quixo restaurar a paz, Zas esixiulle un xuramento de obediencia e sometemento ó seu nome. E o vello tivo que aceptar, dicindo: "Xuro en Zas que estou vencido". Así quedoulle ó lugar o nome de Xurenzás .

Patrimonio

Na igrexa de San Pedro consérvanse dous baldaquinos en pé, a ámbolos lados da nave central. Na parede protexida por estes descubríronse recentemente pinturas góticas representando a San Sebastián e á Virxe.

Véxase tamén

Bibliografía

• RISCO, Vicente: "Cultura espritual", en Historia de Galiza tomo I, 1962 (reed. Akal 1979, 255-777).

Outros artigos

• Lugares de Boborás