Richard Réti

Richard Réti

Richard Réti
Biografía
Nacemento	28 de maio de 1889 Pezinok Eslovaquia
Morte	6 de xuño de 1929 Praga República Checa
Causa da morte	Escarlatina
Lugar de sepultura	Old Jewish Cemetery (en)
Datos persoais
País de nacionalidade	Checoslovaca
Educación	Universidade de Viena - matemáticas (1907–1912)
Actividade
Ocupación	Xogador de xadrez
Lingua	Lingua checa e lingua alemá
Nacionalidade deportiva	Checoslovaquia Imperio Austrohúngaro
Deporte	xadrez
Participou en
1927	Olimpíada de xadrez de 1927 (pt)
Obra
Obras destacables (1921) Final de Réti (pt)
Arquivos en	Library of Congress Music Division (en)
Familia
Irmáns	Rudolph Réti (pt)

Richard Réti, nado en Pezinok (Eslovaquia, daquela Hungría) o 28 de maio de 1889 e finado en Praga o 6 de xuño de 1929, foi un xogador de xadrez checoslovaco.

Traxectoria

Naceu no seo dunha acomodada familia xudía húngara, pero el considerábase vienés. Foi un dos máis grandes xogadores do mundo durante os anos de 1910 e os anos de 1920. Réti comezou a súa carreira como xogador clásico ferozmente combinativo, favorecendo aperturas tales como o Gambito de rei (1. e4 e5 2. f4). Con todo despois do final da primeira Guerra Mundial, o seu estilo experimentou un cambio radical, e converteuse nun dos autores principais do hipermodernismo, xunto con Aron Nimzowitsch e outros. De feito, coa excepción notable do aclamado libro de Nimzowitsch Mein System, é considerado como o maior contribuínte literario do movemento. Os seus escritos son considerados como clásicos no mundo do xadrez: Die neuen Ideen im Schachspiel (1922) e Die Meister des Schachbretts (1930) aínda se estudan hoxe en día.

A Apertura Réti (1. ♘f3 d5 2. c4), coa cal derrotou ao entón campión do mundo José Raúl Capablanca en Nova York en 1924 é nomeada na súa honra. Tartakower denominou a esta apertura como "a apertura dolos porvir".

Era tamén un compositor notable na parte final do xogo. En 1925 Réti logrou a marca mundial para a variedade de xadrez a cegas con 29 xogos simultáneos. Incriblemente, gañou vinte e un destes, empatou seis e perdeu soamente dous.

Publicacións

• Die neuen Ideen im Schachspiel (1922)
• Die Meister des Schachbretts (1930)