Darío Barrio

Darío Barrio en FITUR do 2009.

Darío Barrio Domínguez, nado en Madrid o 11 de decembro de 1972 e finado en Segura de la Sierra, Xaén o 6 de xuño de 2014, foi un afamado cociñeiro dentro da cociña española, coñecido por realizar a primeira etapa do programa de televisión Todos contra el Chef, de Cuatro. Faleceu mentres practicaba salto base na pedanía de Caseríos Nuevos, en Segura de la Sierra, Xaén.

Traxectoria

O quinto de seis irmáns, manifestaba a súa inquietude pola cociña desde os 14 anos, nos que alternaba os estudos de Hostalaría (dous anos en Granada e tres anos en As Palmas de Gran Canaria) mentres realizaba prácticas de cociña en diferentes restaurantes de Donostia, Santander, Xirona e Madrid (nesta última cidade, traballou no Restaurante Hellen´s rexentado por uns amigos da familia). Tralos seus estudos en España viaxou por diferentes países de Europa e Estados Unidos durante un período de case 13 anos, cociñando en Zúric, Londres, Bordeos e Pensilvania.

Posuía o restaurante Dassa Bassa en Madrid desde xuño de 2004, no que ademais exercía de cociñeiro.

Faleceu en accidente o 6 de xuño de 2014, no transcurso da primeira xornada da XV Edición do «Festival Internacional de Cine del Aire El Yelmo» de Casaríos Nuevos, en Segura de la Sierra. Precisamente o acto era unha homenaxe a Álvaro Bultó, falecido nas mesmas circunstancias dez meses antes.

Estaba separado de Itziar Ortega e tiña dous fillos varóns con ela, Telmo e Lucas.

Televisión

• Todos contra el chef (2005-2006) (Cuatro).
• Channel nº4 (2005-2008) (Cuatro).
• Las Mañanas de Cuatro (2006-2010) (Cuatro).
• Dario Diario (2008-2009) (Cuatro).
• Bombón (2010-2011) (Canal Cocina).
• Darío y Cía (2011-2012) (Canal Cocina).
• Splash! Famosos al agua (2013) (Antena 3) - Concursante.
• Aventura Límite : After Earth Experiencie (Discovery Max).
• Ruta 179 (Telemadrid).

Premios

• (2008) Premio ao Home do ano pola revista Men´s Health.
• (2006) Premio Aura ao impulso gastronómico
• (2005) Premio Restaurante Revelación en La luna de Metrópoli.
• (2005) Premio ao Restaurante Revelación en Madrid Fusión
• (2002) Segundo clasificado no VIII Campionato de Cociñeiros da Comunidade de Madrid.
• (2001) Primeiro clasificado no VIII Campionato Oficial de Cociña da Comunidade de Madrid.
• Premio Amer á Iniciativa Gastronómica.

Obras

• "Las recetas de Todos contra el chef", Darío Barrio, setembro de 2006, editado por Aguilar, ISBN 978-84-03-09717-9.
• "Cocina, disfruta, vive", Darío Barrio, maio de 2013, editado por La Esfera de Los Libros, ISBN 978-84-9970-809-6.