Biopsia

Biopsia dunha mama.

Unha biopsia é un procedemento diagnóstico que consiste na extración dunha mostra total ou parcial de tecido para posteriormente ser examinada no microscopio.

Etimoloxía

O termo biopsia está composto e procede do grego bio (vida),e opsis (observar).

Tipos de biopsia

Biopsia excisional

Unha biopsia excisional, tamén chamada tumerectomía, é a extirpación completa dun tumor, polo xeral sen marxes de enfermidade, e que se realiza normalmente nun quirófano baixo anestesia xeral.

Biopsia incisional

Neste tipo de biopsia, só unha peza ou fragmento do tecido, masa ou tumor é extirpado. Esta modalidade adoita empregarse a miúdo nos tumores de tecidos brandos coma o cerebro, fígado, pulmón, ril, para distinguir patoloxía benigna da maligna, porque estes órganos non poden ser extirpados, ou porque a lesión é moi grande ou difusa

Biopsia estereotáxica

Son un conxunto de biopsias obtidas e guiadas por probas de imaxe que indican as coordenadas do espazo onde se atopa a lesión, como por exemplo lesións de mama non palpábeis que se marcan con arpón nunha mamografía, ou con ABBI (Advanced Breast Biopsy Instrumentation). As biopsias cerebrais adoitan ser biopsias estereotáxicas.

Punción-aspiración con agulla grosa (PAAG)

A punción e aspiración con agulla grosa, tamén coñecida coma core biopsia ou tru-cut, realízase mediante pistolas automáticas, e precisa de anestesia local.

Véxase tamén

Outros artigos

• Histoloxía

Ligazóns externas

[[Categoría:]]