Carneiro alado de Ribadeo: Diferenzas entre revisións
engado táboa |
edición táboa |
||
Liña 4: | Liña 4: | ||
|headerstyle = background:#ccf; |
|headerstyle = background:#ccf; |
||
|labelstyle = background:#ddf; |
|labelstyle = background:#ddf; |
||
|title = Carneiro alado de |
|title = Carneiro alado de Ribadeo |
||
|image1 = |
|image1 = |
||
|label1 = Material: |
|label1 = Material: |
Revisión como estaba o 24 de outubro de 2013 ás 00:12
Material: | Ouro |
---|---|
Peso: | 50 gr |
Medidas: | 6,5 cm de lonxitude 6,4 cm de altura 2 cm de ancho |
Ano da descuberta: | 1945 |
Lugar: | ría de Ribadeo |
Data: | Descoñecida |
Museo: | Museo Provincial de Lugo |
Propiedade: | Herdeiros de Álvaro Gil Varela |
O Carneiro alado de Ribadeo é unha peza artística de ouro que foi descuberta por casualidade en 1945 debido a uns traballos de dragado da ría de Ribadeo. Descoñécese a data e orixe exacta desta peza. Forma parte do depósito de Álvaro Gil Varela no Museo Provincial de Lugo que foi levado o 17 de abril de 1976, xunto con outras pezas procedentes da súa colección particular, como o Torque de Burela.
O responsable de Difusión do Museo, Fernando Arribas Arias, localizou outra peza semellante no museo da Fundación Abegg de Suíza. O carneiro alado de Ribadeo foi exposto ó público por primeira vez na celebración do Coloquio Internacional do Bimilenario de Lugo.[1] A peza motivou estudos de especialistas como Antonio Blanco Freijeiro e Juan Maluquer de Motes, que estableceron teorías sobre a súa orixe e antigüidade. Blanco Freijeiro apuntou a posibilidade de que fose castrexa prerromana con influencia tartésica. Maluquer fixa como época máis probable a comprendida entre os anos -525 e -475.
Descrición
A peza é de pequenas dimensións (6,5 x 6,4 x 2 cm) e un peso aproximado duns 50 gr. Está formada por láminas de oro repuxadas e decoradas antes de seren soldadas ó corpo, sendo oca no interior. Caracterízase pola abundante decoración de granulados e filigranas que cobren completamente o corpo do carneiro, mesmo na parte interior das patas e das ás. No peito e na parte superior das patas dianteiras aparecen unhas flores de seis pétalos. Nas patas traseiras aparece unha figura dun animal coa cabeza volta cara atrás e con cornos. Na parte central do animal atopamos a representación dunha ave coas ás estendidas. A cabeza da figura, botada cara atrás, presenta unha separación do corpo por medio dunha banda ancha e lisa a modo de colar. As ás están tamén profusamente decoradas, dividíndose en tres rexistros por medio de liñas de granulado. Por último, a cola amosa un tratamento distinto, usando unha lámina lisa de ouro con decoración de glóbulos sobre rodeis, colocados en liñas lonxitudinais.
Notas
- ↑ "El carnero alado, otro icono que perdió parte de su enigma". La Voz de Galicia. 6 de xaneiro de 2007. Consultado o 14 de marzo de 2013.