Escola Naval Militar de Marín

Escola Naval Militar de Marín
	Marín
	Instancia de academia militar; escola de candidato a oficial
	Instancia de academia militar; escola de candidato a oficial
Características
	Rama militar Armada Española
Implicados
	Fundador/a José Patiño Rosales (pt)
	Matriz Armada Española
	Entidades subsidiarias campus de Pontevedra
Datas
	Fundación / creación 1717
Historia
	Premios e distincións Garabata da Orde Civil de Afonso X o Sabio (2014)
Localización
	Situado en Marín, provincia de Pontevedra, Galicia, España
	Localización Marín
	Coordenadas 42°23′41″N 8°42′19″O / 42.3946, -8.70535
VIAF
Códigos e identificadores
VIAF
VIAF	138084622
ISNI	000000012115818X
Freebase	/m/069zvz
Fontes e ligazóns
	Páxina WEB armada.mde.es…
	Wikidata C:Commons

A Escola Naval Militar é o centro de instrución para a futura oficialidade da Armada Española e atópase no concello pontevedrés de Marín, no seu núcleo urbano. Está adscrita á Universidade de Vigo.

Historia

Foi trasladada a Marín en xullo de 1943 dende San Fernando, e integrouse nas instalacións da Armada que xa existían no lugar, xunta o polígono de tiro naval e a Escola de Artillaría e Tiro Naval. A inauguración oficial tivo lugar o 15 de agosto (día da Asunción de María) de 1943 coa presenza do Xefe do Estado^[1] Francisco Franco.

O comandante director da Escola Naval en 2026 é o capitán de navío Tomás Clavijo Rey-Stolle.

Características

O seu recinto ten unha superficie 241.000 m², sen contar a illa de Tambo que pertence a ela. O río Lameira circula soterrado por parte do recinto e desemboca no peirao da escola. O seu actual comandante director é José Luis Urcelay. As instalacións da Escola emprégaas non só a Armada Española, senón tamén patrulleiras tanto do servizo marítimo da Garda Civil, como do Servizo de Vixilancia Aduaneira e remolcadores de Salvamento Marítimo.

O himno da Escola coincide co himno da Armada Española.

A carreira militar

A carreira militar é cursada de maneira bastante similar ás licenciaturas e diplomaturas universitarias. En cinco cursos para a Escala Superior de Oficiais e tres para a Escala de Oficiais. Cursando nela aspirantes de todas as armas da Armada (Infantaría de Mariña, Enxeñeiros, Intendencia...) O alumno ou alumna é aspirante durante os dous primeiros anos, Gardamariña durante o terceiro e o cuarto e Alférez de Fragata Alumno ou Alférez Alumno (se é Infante) durante o quinto.

Na Escola impera un ambiente de disciplina típica militar con prácticas constantes no mar e no campo, dependendo da especialidade.

Datas importantes

Un dos días máis importantes na Escola Naval é o 16 de xullo, día da patroa da Armada e das xentes do mar, a Virxe do Carme, e tamén festa local en Marín. Ese día celébrase a entrega de reais despachos ós alumnos que finalizan os estudos, e as novas promocións xuran bandeira. Adoitan asistir ao acto os reis de España ou os príncipes, así como altos representantes do goberno estatal, autonómico e local. Con motivo destes actos o buque escola Juan Sebastián Elcano atraca no peirao da Escola Naval e navíos de guerra fondean na ría. Á noite realízase un baile de gala en honor dos alumnos.

Outra data importante é a celebración do baile do "ciento": con motivo da seu pronto embarque no buque escola Juan Sebastián Elcano os gardamariñas de segundo organizan un baile no casino de alumnos, ó que asisten tanto civís como militares de tódalas armas e varias nacións.

Buques

Os buques que teñen como base a Escola Naval son^[2]:

Veleiros escola:
- Arosa
- Giralda
- Sálvora
Lanchas de instrución:
- Salas
- Godínez
- Rull
- Lamadrid
- Barrutia
- Chereguini
Patrulleiros
- Tabarca
- Colimbo III (Servizo de Vixilancia Alfandegueira)