Epifaniy Shanov
  | |
| Biografía | |
|---|---|
| Nacemento | 18 de outubro de 1849 Kazanlak, Bulgaria |
| Morte | 1940 (90/91 anos) Kazanlak, Bulgaria |
| Datos persoais | |
| País de nacionalidade | Bulgaria |
| Relixión | Igrexa católica bizantina búlgara |
| Actividade | |
| Ocupación | sacerdote |
Sinatura  | |
Epifaniy Shanov[1] (en búlgaro: Епифаний Шанов), nado o 18 de outubro de 1849 en Kazanlak[2] e finado o 17 de febreiro de 1940 tamén en Kazanlak, foi un eclesiástico católico búlgaro, vigairo apostólico de Macedonia entre 1895 e 1924.
Traxectoria[editar | editar a fonte]
Naceu co nome de Boncho Genchev Shanov, e educouse inicialmente en Kazanlak. Aos 12 anos comezou a estudar no ximnasio grecocatólico de Edirne que levaba a Congregación da Resurrección de Cristo. Posteriormente proseguiu os seus estudos en Roma, e en 1873 foi ordenado sacerdote para a vigairía de Macedonia, comezando o seu ministerio en Tesalónica.
Logo da marcha do vigairo Lazar Mladenov, o 23 de xullo de 1895 foi nomeado vigairo apostólico e bispo titular de Livias. Recibiu a consagración episcopal o 8 de setembro.
En 1909 presentou a renuncia, mais iso non foi aceptado polo delegado apostólico en Constantinopla. Dirixiu a vigairía durante as guerras balcánicas. Logo da guerra perdera a súa diocese, que deixou na práctica de existir. Retirado en Kazanlak, o 17 de decembro de 1921 o papa aceptou a súa renuncia. Finou en Kazanlak o 17 de decembro de 1940.
Notas[editar | editar a fonte]
| Dignidades da Igrexa católica | ||
|---|---|---|
| Predecesor: Lazar Mladenov |
Vigairo apostólico de Macedonia 1895 - 1924 |
Sucesor: (supresión da sé) |