Entrevista (xeral)

Na Galipedia, a Wikipedia en galego.
Saltar ata a navegación Saltar á procura
Un músico entrevistado nun estudo de radio por tres entrevistadores
Un músico entrevistado nun estudo de radio.

Unha entrevista é unha conversa estruturada na que unha persoa fai preguntas e outra dá respostas. A palabra entrevista refírese a unha conversa entre dúas persoas: un entrevistador e un entrevistado. O entrevistador fai preguntas ás que responde o entrevistado proporcionando información. Esa información pódese utilizar con diversos fins ou proporcionar a outras audiencias en directo ou en diferido. Esta característica é común a moitos tipos de entrevistas: unha entrevista de traballo ou unha entrevista cunha testemuña dun evento pode non ter outra audiencia presente nese momento, pero as respostas proporcionaranse máis tarde a outras persoas no proceso de emprego ou de investigación. Unha entrevista tamén pode transferir información en ambos sentidos.

Características[editar | editar a fonte]

Unha muller e un home entrevistan a una muller
Unha muller entrevistando para un traballo.

As entrevistas soen facerse oralmente en persoa, pero tamén se poden utilizar medios diversos como as videoconferencias[1] ou os teléfonos. Poden facerse por medios asíncronos, de modo escrito e mesmo de forma grupal.

As entrevistas poden ser conversas estruturadas, semiestruturadas e non estruturadas consonte a flexibilidade coa que se teña planificado.[2] Unha entrevista non estruturada está moi pouco planificada e o entrevistador tenta manter o tema previsto de conversa sen ter un plan cerrado de preguntas.[3] No outro extremo, están as entrevistas moi estruturadas nas que o protocolo de preguntas é moi estrito sen dar lugar a saírse de el.[4] A estrutura e formato dunha entrevista poden ser moi variados segundo a finalidade, a extensión a metodoloxías. Polo xeral, precísase dun sistema de rexistrar a conversa: tomando notas ou gravando en formato son ou vídeo. As entrevistas soen ter unha duración limitada e poden realizarse nunha ou en varias sesións.

Requisitos[editar | editar a fonte]

Dúas atletas son entrevistadas
Atletas entrevistadas despois dunha carreira

Para realizar unha entrevista, cómpre:

  • Preparar o medio físico ou tecnolóxico no que se vaia a desenvolver a entrevista
  • Ofrecer algunha bebida ou comida
  • Contar con coñecemento sobre o tema
  • Facilitar, animar e invitar a proporcionar información
  • Adaptarse á personalidade da persoa entrevistada
  • Coñecer a lingua e o rexistro lingüístico de comunicación da persoa entrevistada
  • Ter un protocolo de entrevista
  • Contactar previamente coa persoa que se vaia entrevistar
  • Informar previamente á persoa entrevistada sobre a finalidade da entrevista
  • Solicitar o permiso e consentimento para o uso que se vaia facer da información
  • Dispor e preparar os medios acordados para a recollida ou gravación da información
  • Ter habilidade para lembrar e flexibilizar a conversa
  • Ter previsto como iniciar e rematar a entrevista
  • Dar conta do resultado posteriormente á entrevista

Tipos[editar | editar a fonte]

Un home é entrevistado para a televisión
Algunhas entrevistas para retransmisións televisivas

Segundo a finalidade, os diferentes tipos de entrevista son:

Notas[editar | editar a fonte]

  1. "Introduction to interviewing". www.ojp.gov. Consultado o 2022-08-02. 
  2. Rogers, Carl R. (1945). Frontier Thinking in Guidance. University of California: Science research associates. pp. 105–112. Consultado o 2 de agosto de 2022. 
  3. Jamshed, Shazia (2014). "Qualitative research method-interviewing and observation". Journal of Basic and Clinical Pharmacy 5 (4): 87–88. ISSN 0976-0105. 
  4. Kvale, Steinar; Brinkmann, Svend (2008). InterViews: Learning the Craft of Qualitative Research Interviewing. SAGE. ISBN 9780761925422. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]