Enma González Bermello

Enma González Bermello
Biografía
Nacemento	(es) Emma González Bermello ; 21 de setembro de 1931 ; Ourense, España
Morte	14 de xaneiro de 2014 (82 anos); Vigo, España
Deputada do Parlamento de Galicia
	1981 – 1989
Alcaldesa de Vigo
	1978 – 1979 ; ← Joaquín García Picher – Manoel Soto Ferreiro →
Alcaldesa de Vigo
	15 de xaneiro de 1976 – 26 de xaneiro de 1976 ; ← Joaquín García Picher – Joaquín García Picher →
Actividade
Ocupación	política

Para outras páxinas con títulos homónimos véxase: Emma González.

Enma Rosa González Bermello, nada en Ourense o 21 de setembro de 1931 e finada en Vigo o 14 de xaneiro de 2014,^[1] foi unha política galega.

Traxectoria

Pertencente a unha familia de pequenos empresarios e comerciantes do sector dos electrodomésticos, Enma González Bermello trasladouse a vivir a Vigo aos 3 anos. Nos últimos anos do franquismo escollérona concelleira nesa cidade polo terzo familiar, onde se ocupou de parques e xardíns. En xaneiro de 1976, e como consecuencia do cambio de réxime, prodúcese unha renovación das alcaldías: os alcaldes designados polo gobernador civil dimitían e uns días despois volvían ser elixidos polo conxunto da corporación. Nesa situación, Enma González Bermello foi a primeira alcaldesa dunha cidade de Galicia, en substitución de Joaquín García Picher, aínda que fose unicamente durante dúas semanas, do 15 ao 25 de xaneiro de 1976^[2].

En 1978, trala dimisión de Joaquín García Picher, e antes das primeiras eleccións municipais democráticas, foi elixida alcaldesa entre os demais concelleiros. Volveu de novo a ocupar o asento de alcaldesa, poucos meses antes do que o fixese Berta Tapia na Coruña. Durante ese tempo a crispación política no concello de Vigo fora moi importante: sete concelleiros (un terzo da corporación), e viviuse unha folga de funcionarios municipais^[2]. González Bermello mantívose no cargo até as eleccións de 1979.

Nas primeiras eleccións galegas, Enma González concorreu na lista da UCD pola provincia de Pontevedra, e saíu elixida deputada. Foi unha das tres primeiras parlamentarias galegas canda Carmen Lovelle e Flora Veiga, e xurou o seu cargo vestida de traxe tradicional^[3]. Na segunda lexislatura foi reelixida, neste caso nas listas de Alianza Popular, mais en 1987 múdase a Coalición Galega. En 1989 abandonaría a vida política.

Predecesor: Joaquín García Picher	alcaldesa de Vigo xaneiro de 1976	Sucesor: Joaquín García Picher
Predecesor: Joaquín García Picher	alcaldesa de Vigo 1978-1979	Sucesor: Manoel Soto Ferreiro

Vida persoal

Apartada da vida política, padeceu de alzheimer, morreu en 2014 aos 82 anos.^[3]

Notas

↑ Franco, F (15/1/2014). "Fallece Emma González Bermello, primera alcaldesa de Vigo y Galicia". Faro de Vigo (en castelán). .
↑ ^2,0 ^2,1 "Emma González, primera alcaldesa nombrada en Galicia tras morir Franco". La Voz de Galicia (en castelán). 12/01/2021. Consultado o 12/01/2021.
↑ ^3,0 ^3,1 Vázquez Lorenzo, Alexandre (18/7/2011). "La autonomía, en femenino". El País.

Véxase tamén

Bibliografía

Porteiro, Mª Xosé; Perozo, Xosé A. (1981). Quen é quen no primeiro Parlamento Galego. Vigo: Xerais. pp. 179–183. ISBN 84-7507-044-2.

Outros artigos

Eleccións municipais en Vigo

[1] Franco, F (15/1/2014). "Fallece Emma González Bermello, primera alcaldesa de Vigo y Galicia". Faro de Vigo (en castelán). .

[:0-2] 2,0 ^2,1 "Emma González, primera alcaldesa nombrada en Galicia tras morir Franco". La Voz de Galicia (en castelán). 12/01/2021. Consultado o 12/01/2021.

[Pais711-3] 3,0 ^3,1 Vázquez Lorenzo, Alexandre (18/7/2011). "La autonomía, en femenino". El País.

[1]

[2]

[3]