Encoro do Pé da Viña
Coordenadas: 43°23′46″N 7°10′52″O / 43.396111111111, -7.1811111111111
![](http://upload.wikimedia.org/wikipedia/commons/thumb/d/dd/Escala_de_salm%C3%B3ns_do_encoro_de_P%C3%A9_da_Vi%C3%B1a_no_r%C3%ADo_Eo.jpg/220px-Escala_de_salm%C3%B3ns_do_encoro_de_P%C3%A9_da_Vi%C3%B1a_no_r%C3%ADo_Eo.jpg)
O encoro de Pé da Viña foi construído no 1907,[1] no río Eo, entre as comunidades de Asturias (concello de Santiso de Abres) e Galicia (concello de Trabada). Recibe o seu nome do lugar do Pé da Viña, da parroquia de Vilaformán, e alimenta a central hidroeléctrica de Pé da Viña.
Historia
[editar | editar a fonte]![](http://upload.wikimedia.org/wikipedia/commons/thumb/9/9a/Central_el%C3%A9ctrica_de_P%C3%A9_da_Vi%C3%B1a_no_r%C3%ADo_Eo.jpg/220px-Central_el%C3%A9ctrica_de_P%C3%A9_da_Vi%C3%B1a_no_r%C3%ADo_Eo.jpg)
En maio de 2022, co encoro e central pertencendo a ENEL Green Power España, a Audiencia Nacional ordenou derribar as instalacións, despois de que o Ministerio para a Transición Ecolóxica o decidise en xuño de 2019.[2][1] A decisión vén argumentada por quedar 'acreditados os motivos de protección medioambiental que aconsellan a demolición das instalacións e a súa adecuación paisaxística'.[2] As instalacións están nun LIC dentro da Reserva da Biosfera río Eo, Ozcos e Terras de Burón, ó pé da Ruta da antiga vía do ferrocarril Vilaoudriz - Ribadeo.