Eduardo Amador Corzo

Na Galipedia, a Wikipedia en galego.
Eduardo Amador Corzo
Nacemento1898
Lugar de nacementoMonforte de Lemos
NacionalidadeEspaña
Ocupaciónpolítico
editar datos en Wikidata ]

Eduardo Amador Corzo, coñecido como Corzo, nado en Monforte de Lemos cara a 1898, foi un político socialista galego.

Traxectoria[editar | editar a fonte]

Fillo de Agustín Amador e Josefa Corzo. Veciño de Montefurado. Militante do PSOE. Foi elixido concelleiro de Quiroga nas eleccións do 12 de abril de 1931.[1] Presentouse ás eleccións municipais do 31 de maio de 1931 e foi elixido concelleiro ao ser o candidato máis votado no distrito de Montefurado.[2] Tomou parte nos actos de protesta contra o alcalde monárquico de Quiroga Julio Maseda Cadórniga a principios de 1933.[3] Participou na folga xeral revolucionaria de 1934, foi procesado por movementos sediciosos,[4] e por delito contra os medios de comunicación por medio de explosivos con Marcelino Fernández Prada e Álvaro Novas Rodríguez.[5] Permaneceu fuxido até a amnistía decretada trala vitoria da Fronte Popular en febreiro de 1936, cando retornou a Quiroga, sendo recibido en San Clodio de Ribas de Sil xunto con Juan Tizón Herreros e Ramón Somoza Álvarez.[6] Participou nos actos do 1 de maio en Quiroga,[7] e en mitins socialistas como o de Vilar de Lor en maio de 1936.[8]

Logo do golpe de Estado do 18 de xullo de 1936 permaneceu agochado. Foi procesado por rebelión na causa 98/37 xunto con José Campos, Julián Mateo e Félix Crespo Mondelo, publicándose en abril de 1937 unha requisitoria contra eles.[9] Foi expedientado por responsabilidades políticas en 1938,[10][11] e indultado do resto da sanción en 1961.[12]

Notas[editar | editar a fonte]

  1. El Pueblo Gallego, 7-5-1931, p. 9.
  2. BOP Lugo, 6-6-1931, p. 3.
  3. Luz, 6-2-1933, p. 12.
  4. BOP Lugo, 23-10-1934, p. 4.
  5. BOE, 8-12-1934
  6. El Pueblo Gallego, 26-2-1936, p. 2.
  7. La Voz de Galicia, 5-5-1936, p. 11.
  8. El Pueblo Gallego, 23-5-1936, p. 14.
  9. BOP Lugo, 8-4-1937, p. 2.
  10. BOP Lugo, 16-12-1938, p. 1.
  11. BOP Lugo, 3-2-1939, p. 2.
  12. BOP Lugo, 5-9-1961, p. 2.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]