Economía de Bielorrusia

Na Galipedia, a Wikipedia en galego.
Economía de Bielorrusia
Moeda rublo bielorruso
Organizacións comerciais de que fai parte CEI, OMC (observador)
Datos estatísticos[1]
PIB 150,3 mil millóns (2012)
Posición do PIB 62ª no mundo[2]
Crecemento do PIB 4,3% (2012)
PIB per cápita $ 16 000 (2012)
PIB por sector agricultura 9,2%, industria 46,2%, comercio e servizos 44,6% (2012)
Inflación 70% (2012)
Poboación abaixo da limiar de pobreza 27,1% (2003)
Total da forza de traballo 5.000.000 (2009)
Forza de traballo por sector agricultura 9,4%, industria 45,9%, comercio e servizos 44,7% (2005)
Desemprego 1% (2012)
Industrias máquinas de corte de metais, tractores, camións, escavadeiras, motocicletas, televisores, fibras sintéticas, fertilizantes, radios, frigoríficos
Parcerías comerciais[1]
Exportacións 46,6 mil millóns (2012)
Produtos de exportación máquinas e equipamentos, produtos minerais, produtos químicos, metais, téxtiles, alimentos
Principais mercados Rusia 33,5%, Países Baixos 15,1%, Ucraína 10,2%, Letonia 7,7%, Alemaña 4,5% (2011)
Importacións 48,18 mil millóns (2012)
Principais produtos importados produtos minerais, máquinas e equipamentos, produtos químicos, alimentos, metais
Finanzas públicas[1]
Débeda externa 1 067 millóns (2012)
Receitas 21,42 mil millóns (2012)
Despesas 22,04 mil millóns (2012)

A economía de Bielorrusia mantivo nos últimos tres anos taxas de crecemento por encima do 6%, aínda que persisten altos niveis de inflación, de poboación por baixo do nivel de pobreza e forte dependencia económica de Rusia debido á pertenza durante moitos anos á URSS e á especialización produtiva que realizaban as economías centralizadas. As reformas económicas iniciadas en 1995 non levaron a unha apertura de mercados nin á entrada masiva de capitais estranxeiros, e dificultaron a renovación tecnolóxica e o aumento do consumo interno. Por outra banda, o control económico garante un alto nivel de protección social. Estatísticas do goberno indican que o PIB creceu uns 10% o 2008, a pesar dos obstáculos dunha economía centralizada co alta inflación[1].

Os principais recursos naturais do país son os seus bosques, a explotación do petróleo e o gas natural.

O 69,7% da súa superficie atópase sen explotar e, aínda que o 29,7% é cultivable, só o 0,6% destínase a colleitas permanentes. As terra con rega permanente ascendían a 1150 km² en 1999.

O tipo de cambio era de 2152,76 rublos bielorrusos por dólar estadounidense (2005) e o PIB per cápita de 6800 dólares (2004). A taxa de inflación ascendeu no mesmo ano a 17,4%. A débeda pública externa é duns 600.000.000 de dólares e a taxa de desemprego do 2% (2004).

Bielorrusia produce motocicletas, televisores e teas. O agro bielorruso baséase na produción de papas, cereais, froitas e verduras, vacas, porcos, cabalos, cabras e aves de curral.

Exporta elementos para a industria, maquinaria pesada, gas natural, petróleo, produtos químicos, aceiro, metais non ferrosos, alimentos e bebidas, materiais de construción, produtos agrícolas e papel a Rusia (51%), Ucraína (8%), Polonia (4%) e Alemaña (3%) (2000).

As súas importacións consisten en maquinarias para as súas industrias do petróleo, gas, madeira, química, eléctrica e metalúrgica, alimentos e bebidas, implementos agrícolas e elementos para fabricar papel e producir madeira. As mesmas proveñen de Rusia (65%), Alemaña (7%) e Polonia (3%) (2000).

Tamén ten moeda propia, o rublo bielorruso.

Notas[editar | editar a fonte]