Dygynnelw

Na Galipedia, a Wikipedia en galego.
Saltar ata a navegación Saltar á procura
Dygynnelw
Nacementoséculo Vxuliano
Ocupaciónpoeta
editar datos en Wikidata ]

Dygynnelw foi un bardo galés que se relaciona con Owain fillo de Urien Rheged. Se é certa a tradición de que o seu floruit foi na segunda metade do século VI e que era contemporáneo de Taliesin, daquela sería un bardo que lle cantaba a Urien no Hen Ogledd naquela época.

Só hai tres referencias sobre Dygynnelw. Na tríade da compilación Trioedd Ynys Prydain, menciónase como un dos "Tri bardd coch eu gwaywffyn Ynys Prydain", con Tristfardd e Afan Ferddig:

Tri Gwaywrudd Beirdd Ynys Prydain:
Tristfardd bardd Urien,
A Dygynnelw bardd Owain ab Urien,
Ac Afan Ferddig bardd Cadwallon mab Cadfan.
Tres bardos de lanza vermella da illa de Bretaña:
Tristfardd, bardo de Urien,
e Dygynnelw, bardo de Owain ab Urien,
e Afan Ferddig, bardo de Cadwallon mab Cadfan.

Nun texto medieval que ten que ver co oficio de bardo da corte, fálase de que unha variante do englyn unodl union é un englyn anghyfodl yr hwn a elwir "dull Dyg[yn]nelw" (Un englyn sen rima que se chama "modo de Dyg[yn]nelw").

Finalmente menciona o bardo Cynddelw Brydydd Mawr que o seu fillo Dygynnelw lle cantou unha elexía notábel. Rachel Bromwich suxire que Cynddelw elixiu chamar así ao seu fillo en recordo do Cynfardd (Dygynnelw é un nome moi infrecuente). Desgrazadamente toda a obra de Dygynnelw perdeuse, pero é evidente que ten un status particular na antiga tradición.

Véxase tamén[editar | editar a fonte]

Bibliografía[editar | editar a fonte]

  • Rachel Bromwich (ed.), Trioedd Ynys Prydein (argraffiad newydd, Caerdydd, 1991), tríade 11, p. 331.
  • Nerys Ann Jones ac Ann Parry Owen (ed.), Gwaith Cynddelw Brydydd Mawr (Caerdydd, 1991), p. 367.