Dries Mertens

Na Galipedia, a Wikipedia en galego.
Saltar ata a navegación Saltar á procura
Dries Mertens
Mertens.
Información persoal
Nome completo Dries Mertens
Nacemento 6 de maio de 1987 (31 anos)
Lugar Leuven, Bélxica
Altura 1,69 m
Posición Extremo
Información de club
Club actual SSC Napoli
Número 14
Carreira xuvenil
1996–1998 Stade Leuven
1998–2003 Anderlecht
2003–2005 Gent
Carreira sénior
Anos Equipos Aprs (Gls)
2005–2007 Gent 0 (0)
2005–2006 → E. Aalst (cesión) 14 (4)
2006–2007 → AGOVV (cesión) 35 (2)
2007–2009 AGOVV 73 (28)
2009–2011 Utrecht 65 (16)
2011–2013 PSV 62 (37)
2013– Napoli 33 (11)
Selección nacional
2004 Bélxica Sub-17 4 (0)
2011– Bélxica 28 (4)

* Partidos e goles só en liga doméstica.
† Aparicións (Goles)

‡ Actualizado a 1 de xullo de 2014

Dries Mertens (AFI: [ˈdris ˈmɛrtə(n)s]), nado en Leuven, Brabante Flamengo, o 6 de maio de 1987, é un futbolista internacional belga que xoga como extremo para o SSC Napoli da Serie A italiana e para a selección de Bélxica.

Traxectoria[editar | editar a fonte]

Mertens comezou xogando ao fútbol sala no ZG Leuven, equipo da súa cidade natal, da primeira división belga. Posteriormente cambiou o futsal polo fútbol, comezando nas categorías inferiores do KAA Gent. Nese primeiro ano, foi subido ao primeiro equipo, aínda que non chegou a debutar, fichando en calidade de cedido polo Eendracht Aalst da Terceira División belga, onde foi galardoado polos fans como o home da tempada. Despois foi cedido de novo, esta vez ao AGOVV Apeldoorn da Eerste Divisie, segunda categoría do fútbol neerlandés, onde se converteu nun dos xogadores máis importantes da categoría e no capitán do seu equipo. Despois da tempada 2008-09, gañou o De Gouden Stier, un premio que se outorga ao talento máis grande da Jupiler Pro League. O 25 de maio de 2009 asinou un contrato co FC Utrecht.[1]

O 1 de agosto de 2009, fixo o seu debut na Eredivisie, máxima categoría do fútbol neerlandés, na vitoria 0-1 no partido inaugural contra o RKC Waalwijk. Dúas semanas despois, o 16 de agosto de 2009, anotaría os seus dous primeiros goles para o FC Utrecht nun partido contra o contra o VVV-Venlo. O 28 de xuño de 2011, trasladouse ao PSV Eindhoven da mesma categoría xunto co seu compañeiro Kevin Strootman, nun traspaso valorado nun total de 13 millóns de euros por ambos os xogadores. Dries Mertens anotou o seu primeiro hat-trick co PSV Eindhoven o 28 de agosto de 2011 contra o Excelsior Rotterdam. Tras dúas temporadas no club neerlandés anunciaríase o 22 de xuño de 2013 a súa fichaxe polo Napoli italiano, onde no seu primeiro ano xogaría 33 partidos anotando 11 goles.

Títulos[editar | editar a fonte]

Campionatos nacionais[editar | editar a fonte]

Título Club Liga Ano
Copa Italia SSC Napoli Italia Italia 2014

Notas[editar | editar a fonte]

  1. Coerts, Stefan (25 de maio de 2009). GOAL.com, ed. "Official: Utrecht Sign AGOVV Forward Dries Mertens" (en neerlandés). Consultado o 3 de xullo de 2014. 

Véxase tamén[editar | editar a fonte]

Ligazóns externas[editar | editar a fonte]